ജിഎസ്ടി അനുബന്ധ ബില്ലുകള്ക്ക് അംഗീകാരമായി
Synopsis
ദില്ലി: ജി എസ് ടി അനുബന്ധ ബില്ലുകള്ക്ക് കേന്ദ്ര മന്ത്രിസഭയുടെ അംഗീകാരം. മണി ബില്ലായി കേന്ദ്ര സര്ക്കാര് ഈ ആഴ്ച്ച പാര്ലമെന്റില് അവതരിപ്പിക്കും. മണി ബില്ലായി അവതരിപ്പിക്കുന്നതിനാല് ബില്ലിന് ലോക്സഭയുടെ അംഗീകാരം നല്കിയാല് മതി. കേന്ദ്ര ജിഎസ്ടി, സംസ്ഥാനാന്തര ജിഎസ്ടി, കേന്ദ്രഭരണ പ്രദേശങ്ങളിലെ ജിഎസ്ടി, നഷ്ടപരിഹാര ബില്ലുകള് എന്നിവയ്ക്കാണ് കേന്ദ്ര മന്ത്രിസഭ അംഗീകാരം നല്കിയത്. സംസ്ഥാന ജിഎസ്ടി സംസ്ഥാന നിയമസഭകളാണ് പാസാക്കേണ്ടത്. ഈ ബില്ലുകള്ക്കെല്ലാം ധനമന്ത്രിമാരുടെ കൂട്ടായ്മയായ ജിഎസ്ടി കൗണ്സില് അംഗീകാരം നല്കിയിരുന്നു. ജിഎസ്ടി നടപ്പിലാക്കാന് നേരത്തെ പാര്ലമെന്റ് അംഗീകാരം നല്കിയിരുന്നു. ജൂലൈ ഒന്ന് മുതല് ചരക്ക് സേവന നികുതി നടപ്പിലാക്കുകയാണ് കേന്ദ്രസര്ക്കാര് ലക്ഷ്യം. ഏതൊക്കെ ഉത്പന്നങ്ങള് ഏതൊക്കെ നികുതി സ്ലാബുകള്ക്ക് കീഴില് വരുമെന്ന കാര്യം ഈ മാസം 31ന് ചേരുന്ന ജിഎസ്ടി കൗണ്സില് യോഗം തീരുമാനമെടുക്കും.
ഏറ്റവും പുതിയ ബിസിനസ് വാർത്തകളുമായി Money News അപ്പ്ഡേറ്റായി തുടരൂ — മാർക്കറ്റ് ട്രെൻഡുകൾ, Share Market News വാർത്തകളുമായി Tax News, IPO, ബാങ്കിംഗ്, ഫിനാൻസ്, റിയൽ എസ്റ്റേറ്റ്, നിക്ഷേപം, സമ്പാദ്യം തുടങ്ങി സമഗ്രമായ വിവരങ്ങൾ നിങ്ങളുടെ കൈവശം. ദിവസേനയുള്ള Gold Rate Today സ്വർണവില മാറ്റങ്ങൾ എട്ടാം ശമ്പള കമ്മീഷൻ തുടങ്ങിയ വിഷയങ്ങളിലെ ഏറ്റവും പുതിയ അപ്ഡേറ്റുകളും വിദഗ്ധ വിശകലനങ്ങളും അറിയൂ.