നോട്ട് അസാധുവാക്കിയതോടെ പണക്കാരും പാവപ്പെട്ടവരും ഒരു പോലെ ആയെന്ന് മോദി

നേരത്തെ സര്‍ക്കാര്‍ തീരുമാനത്തെ എതിര്‍ക്കാന്‍, അടിയന്തരാവസ്ഥ പ്രഖ്യാപിച്ച പ്രതിപക്ഷത്തിന് എന്ത് അവകാശമാണുള്ളതെന്നും പ്രധാനമന്ത്രി ചോദിച്ചിരുന്നു. അടിയന്തരാവസ്ഥ പ്രഖ്യാപിച്ച് 19 മാസം ജനങ്ങളെ ജയിലിലിട്ട കോണ്‍ഗ്രസാണ് ഇപ്പോള്‍ ജനങ്ങളെക്കുറിച്ച് ആശങ്കപ്പെടുന്നതെന്നായിരുന്നു പ്രധാനമന്ത്രിയുടെ പരിഹാസം. പാവങ്ങള്‍ക്ക് അനുകൂലമാണ് തന്റെ തീരുമാനം. രാജ്യത്തെ പാവപ്പെട്ടവരെയും പണക്കാരെയും ഈ തീരുമാനം ഒരു പോലെയാക്കി മാറ്റി. രാജ്യത്ത് പണത്തിന്റെ കുറവില്ല. ആ പണം എവിടെ സൂക്ഷിച്ചിരിക്കുന്നു എന്നുള്ളതാണ് പ്രശ്നമെന്നും അദ്ദേഹം പറഞ്ഞു.