ബുധന്‍ വ്യാപാരം; രൂപയുടെ മൂല്യത്തില്‍ ഇന്നും മുന്നേറ്റമില്ല

ചൊവ്വാഴ്ച്ച വ്യാപാരം അവസാനിക്കുമ്പോള്‍ ഡോളറിനെതിരെ ഏറ്റവും താഴ്ന്ന നിരക്കായ 74.39 എന്ന നിലയിലായിരുന്നു രൂപ. രാവിലെ 74.13 എന്ന ഭേദപ്പെട്ട നിലയില്‍ വിനിമയ വിപണിയില്‍ വ്യാപാരം തുടങ്ങിയ രൂപ ഒന്‍പത് പൈസ മെച്ചപ്പെട്ടാണ് 74.21 എന്ന നിലയിലേക്ക് കയറിയത്.  

മുംബൈ: രൂപയുടെ മൂല്യത്തില്‍ ഇന്നും മുന്നേറ്റമില്ല. ഒടുവില്‍ വിവരം ലഭിക്കുമ്പോള്‍ ഡോളറിനെതിരെ രൂപയുടെ മൂല്യം 74.21 എന്ന നിലയിലാണ്. ചൊവ്വാഴ്ച്ച ചരിത്രത്തിലെ ഏറ്റവും വലിയ ഇടിവ് രേഖപ്പെടുത്തിയ രൂപയ്ക്ക് ഇന്നും 73 ലേക്ക് തിരികെക്കയറാനായില്ല.

ചൊവ്വാഴ്ച്ച വ്യാപാരം അവസാനിക്കുമ്പോള്‍ ഡോളറിനെതിരെ ഏറ്റവും താഴ്ന്ന നിരക്കായ 74.39 എന്ന നിലയിലായിരുന്നു രൂപ. രാവിലെ 74.13 എന്ന ഭേദപ്പെട്ട നിലയില്‍ വിനിമയ വിപണിയില്‍ വ്യാപാരം തുടങ്ങിയ രൂപ ഒന്‍പത് പൈസ മെച്ചപ്പെട്ടാണ് 74.21 എന്ന നിലയിലേക്ക് കയറിയത്.

രൂപയുടെ മൂല്യത്തില്‍ ആശാവഹമായ മുന്നേറ്റം പ്രകടിപ്പിക്കാത്തത് രാജ്യത്ത് വലിയ ആശങ്കയാണ് സൃഷ്ടിക്കുന്നത്. ക്രൂഡ് ഓയിലിന്‍റെ വിലയും മാറ്റമില്ലാതെ തുടരുകയാണ്. ബാരലിന് 85 ഡോളറാണ് ഇന്നത്തെ ക്രൂഡ് ഓയിലിന്‍റെ വില.