ജി.എസ്.ടി: ഇ-വേ ബില് നിര്ബന്ധമാക്കുന്നത് ഒരു മാസം നീട്ടി
Synopsis
ചരക്ക് സേവന നികുതി നടപ്പിലാക്കിയപ്പോള് ചെക്പോസ്റ്റുകള് ഒഴിവാക്കി ചരക്ക് നീക്കം മനസിലാക്കാനാകുന്ന ഇ-വേ ബില് സംവിധാനം നിര്ബന്ധമാക്കുന്നത് ഒരു മാസം നീട്ടി. അടുത്ത വര്ഷം ഫെബ്രുവരി ഒന്നുമുതലാണ് സംസ്ഥാനങ്ങള്ക്കിടയിലെ ചരക്ക് നീക്കത്തിന് ഇ-വേ ബില് നിര്ബന്ധമാക്കിയത്.
ജനുവരി 16 മുതല് പരീക്ഷണാടിസ്ഥാനത്തില് രാജ്യവ്യാപകമായി ഇ-വേ ബില് നടപ്പാക്കി തുടങ്ങും. സംസ്ഥാനത്തിനകത്തെ ചരക്ക് നീക്കത്തിന് ഇ-വേ ബില് നിര്ബന്ധമാക്കുന്ന കാര്യത്തില് സംസ്ഥാനങ്ങള്ക്ക് സമയമെടുത്ത് തീരുമാനമെടുക്കാം. ജൂണ് ഒന്നിന് മുമ്പ് ഇത് പൂര്ത്തിയാക്കണമെന്നും വീഡിയോ കോണ്ഫറന്സിലൂടെ ധനമന്ത്രി അരുണ് ജെയ്റ്റ്ലിയുടെ അധ്യക്ഷതയില് ചേര്ന്ന ജിഎസ്ടി കൗണ്സില് യോഗം തീരുമാനിച്ചു. ജിഎസ്ടി നെറ്റ്വര്ക്കിന്റെ സാങ്കേതികവശങ്ങള് പരിശോധിച്ച ശേഷമാണ് തീരുമാനം.
ഏറ്റവും പുതിയ ബിസിനസ് വാർത്തകളുമായി Money News അപ്പ്ഡേറ്റായി തുടരൂ — മാർക്കറ്റ് ട്രെൻഡുകൾ, Share Market News വാർത്തകളുമായി Tax News, IPO, ബാങ്കിംഗ്, ഫിനാൻസ്, റിയൽ എസ്റ്റേറ്റ്, നിക്ഷേപം, സമ്പാദ്യം തുടങ്ങി സമഗ്രമായ വിവരങ്ങൾ നിങ്ങളുടെ കൈവശം. ദിവസേനയുള്ള Gold Rate Today സ്വർണവില മാറ്റങ്ങൾ എട്ടാം ശമ്പള കമ്മീഷൻ തുടങ്ങിയ വിഷയങ്ങളിലെ ഏറ്റവും പുതിയ അപ്ഡേറ്റുകളും വിദഗ്ധ വിശകലനങ്ങളും അറിയൂ.