എ.ടി.എം കാര്ഡ് ഉപയോഗിച്ച് ഇനി ഫ്ലിപ്പ്കാര്ട്ടില് നിന്ന് കടം വാങ്ങാം
Synopsis
ഫ്ലിപ്പ്കാര്ട്ടിന്റെ വാർഷിക ഷോപ്പിങ് ഉത്സവമായ ബിഗ് ബില്യൺ ഡേയ്സില് ഇത്തവണ ഡെബിറ്റ് കാർഡ് വഴിയും ഇ.എം.ഐ സൗകര്യം ലഭ്യമാക്കുന്നു. ബിഗ് ബില്യന് ഡേയ്സില് നിന്നുള്ള വരുമാനം വർധിപ്പിക്കാൻ ലക്ഷ്യമിട്ടാണ് പുതിയ നീക്കം. നിലവിൽ ക്രെഡിറ്റ് കാർഡ് ഉപയോഗിക്കുന്ന ഉപഭോക്താക്കൾക്ക് മാത്രമേ വൻകിട ഇ-കൊമേഴ്സ് സൈറ്റുകൾ ഇ.എം.ഐ സൗകര്യം അനുവദിക്കുന്നുള്ളൂ. ആദ്യഘട്ടത്തില് എസ്.ബി.ഐ, ആക്സിസ് ബാങ്ക് എന്നിവയുമായി സഹകരിച്ചാണ് പരീക്ഷണം നടത്തുന്നത്.
മൂഴുവൻ കാറ്റഗറിയിലുമുള്ള താരതമ്യേന ഉയര്ന്ന വിലയുള്ള സാധനങ്ങള്ക്ക് ഇ.എം.ഐ ലഭ്യമാക്കാനാണ് ശ്രമം. കഴിഞ്ഞകാലങ്ങളിൽ ഉപഭോക്താവ് നടത്തിയ ഇടപാടുകള് കൂടി പരിശോധിച്ചായിരിക്കും ഡെബിറ്റ് കാർഡിൽ ഇ.എം.ഐ സൗകര്യം ലഭ്യമാക്കുക. ക്രെഡിറ്റ് കാർഡില്ലാത്ത വലിയ വിഭാഗത്തിന് വിലകൂടിയ ഉൽപ്പന്നങ്ങൾ വാങ്ങാൻ കഴിയാത്ത സാഹചര്യം കൂടി ഫ്ലിപ്പ്കാര്ട്ടിന്റെ പരിഗണിനയിലുണ്ട്. ഡെബിറ്റ് കാർഡിലെ ഇ.എം.ഐ സൗകര്യം ഇത്തരക്കാര്ക്ക് ഗുണം ചെയ്യും. വിലകൂടിയ ഉൽപ്പന്നങ്ങൾ വന്തോതില് വിറ്റഴിക്കുക വഴി മൊത്തം വിൽപ്പനയിൽ വൻ വർധന ലക്ഷ്യമിടുന്നുവെന്ന് ഫ്ലിപ്കാർട്ട് അറിയിച്ചു. റിസർവ് ബാങ്ക് കണക്കുകൾ പ്രകാരം രാജ്യത്ത് 79.38 കോടി ഡെബിറ്റ് കാർഡുകള് ഉപയോഗിക്കപ്പെടുന്നുണ്ട്. എന്നാൽ ക്രെഡിറ്റ് കാർഡുള്ളവർ 3.14 കോടി മാത്രമാണ്.
ഏറ്റവും പുതിയ ബിസിനസ് വാർത്തകളുമായി Money News അപ്പ്ഡേറ്റായി തുടരൂ — മാർക്കറ്റ് ട്രെൻഡുകൾ, Share Market News വാർത്തകളുമായി Tax News, IPO, ബാങ്കിംഗ്, ഫിനാൻസ്, റിയൽ എസ്റ്റേറ്റ്, നിക്ഷേപം, സമ്പാദ്യം തുടങ്ങി സമഗ്രമായ വിവരങ്ങൾ നിങ്ങളുടെ കൈവശം. ദിവസേനയുള്ള Gold Rate Today സ്വർണവില മാറ്റങ്ങൾ എട്ടാം ശമ്പള കമ്മീഷൻ തുടങ്ങിയ വിഷയങ്ങളിലെ ഏറ്റവും പുതിയ അപ്ഡേറ്റുകളും വിദഗ്ധ വിശകലനങ്ങളും അറിയൂ.