ഇനി പറക്കാം മെയ്ഡ് ഇന് ഇന്ത്യ വിമാനത്തില്
Synopsis
ദില്ലി: രാജ്യത്തെ വ്യോമയാന വ്യവസായ മേഖലയ്ക്ക് പുതിയ ഊര്ജ്ജം പടര്ന്നു കൊണ്ട് ഇന്ത്യന് നിര്മ്മിത യാത്രാവിമാനങ്ങള് വിപണിയിലേക്ക്. പൊതുമേഖലാ സ്ഥാപനമായ ഹിന്ദുസ്ഥാന് എയറോനോട്ടിക്സ് ലിമിറ്റഡ് നിര്മ്മിച്ച ഡോര്ണിയര്228 വിമാനങ്ങള് വ്യാവസായിക അടിസ്ഥാനത്തില് വില്ക്കുവാന് കേന്ദ്രസര്ക്കാര് അനുമതി നല്കി.
19 പേര്ക്കിരിക്കാവുന്ന ഈ വിമാനത്തിന് 16.97 മീറ്ററാണ് നീളം. വിമാനയാത്രകള്ക്ക് നിരക്ക് കുറഞ്ഞു വരുന്ന സാഹചര്യത്തില് എയര്ടാക്സി എന്ന നിലയില് ഈ കൊച്ചു വിമാനത്തിന് വലിയ സാധ്യതകളുണ്ടെന്നാണ് പ്രതീക്ഷിക്കുന്നത്.
ഇതാദ്യമായാണ് ഒരു ഇന്ത്യന് നിര്മ്മിത വിമാനം യാത്രാ ആവശ്യങ്ങള്ക്കായി വ്യാവസായിക അടിസ്ഥാനത്തില് പറക്കാന് പോകുന്നത്. ടൈംസ് ഓഫ് ഇന്ത്യയുടെ റിപ്പോര്ട്ട് പ്രകാരം ഇന്ത്യയിലെ എയര്ലൈന് കമ്പനികള്ക്ക് ഈ വിമാനം വില്ക്കാന് ഡിജിസിഎ അനുമതി നല്കിയിട്ടുണ്ട്. അഭ്യന്തരയാത്രികര്ക്കായുള്ള മോദി സര്ക്കാര് ഉഡാന് പദ്ധതിക്ക് ഈ വിമാനം ഉപകാരപ്രദമായിരിക്കും. ഇതോടൊപ്പം ശ്രീലങ്ക, നേപ്പാള് തുടങ്ങിയ അയല് രാജ്യങ്ങള്ക്കും ഈ വിമാനം വില്ക്കാന് എച്ച്.എ.എല് ശ്രമിക്കുന്നുണ്ട്.
ഏറ്റവും പുതിയ ബിസിനസ് വാർത്തകളുമായി Money News അപ്പ്ഡേറ്റായി തുടരൂ — മാർക്കറ്റ് ട്രെൻഡുകൾ, Share Market News വാർത്തകളുമായി Tax News, IPO, ബാങ്കിംഗ്, ഫിനാൻസ്, റിയൽ എസ്റ്റേറ്റ്, നിക്ഷേപം, സമ്പാദ്യം തുടങ്ങി സമഗ്രമായ വിവരങ്ങൾ നിങ്ങളുടെ കൈവശം. ദിവസേനയുള്ള Gold Rate Today സ്വർണവില മാറ്റങ്ങൾ എട്ടാം ശമ്പള കമ്മീഷൻ തുടങ്ങിയ വിഷയങ്ങളിലെ ഏറ്റവും പുതിയ അപ്ഡേറ്റുകളും വിദഗ്ധ വിശകലനങ്ങളും അറിയൂ.