സ്വര്‍ണ്ണവില വീണ്ടും കുറഞ്ഞു

കൊച്ചി: സംസ്ഥാനത്ത് സ്വര്‍ണവില ഇന്ന് വീണ്ടും കുറഞ്ഞു. പവന് 160 രൂപയും ഗ്രാമിന് 20 രൂപയുമാണ് ഇന്ന് കുറഞ്ഞത്. ഇതോടെ പവന് 21,600 രൂപയും ഗ്രാമിന് 2700 രൂപയുമാണ് ഇന്നത്തെ വിപണി നിരക്ക്. രാജ്യാന്തര വിപണിയില്‍ കഴിഞ്ഞ കുറേ ദിവസങ്ങളായി സ്വര്‍ണ്ണത്തിന് വില കുറയുന്നതാണ് കേരളത്തിലും പ്രതിഫലിക്കുന്നത്. 31 ഗ്രാമിന്റെ ഒരു ട്രോയ് ഔണ്‍സിന് 1,198 ഡോളറാണ് ആഗോള വിപണിയിലെ നിരക്ക്. രണ്ടാഴ്ചക്കുള്ളില്‍ പവന് 800 രൂപ കുറഞ്ഞു. ഈ മാസത്തെ ഏറ്റവും കുറഞ്ഞ വിലയാണ് ഇന്ന് രേഖപ്പെടുത്തിയിരിക്കുന്നത്