പണം കൈമാറാന് തിങ്കളാഴ്ച മുതല് 'ഗൂഗിള് തേസ്' വരുന്നു
Synopsis
ഇന്ത്യയിലെ ഡിജിറ്റല് പണമിടപാട് വിപ്ലവം മുതലാക്കാനൊരുങ്ങുകയാണ് ആഗോള ഭീമന് ഗൂഗിളും. ഡിജിറ്റൽ പണമിടപാട് സേവനങ്ങള്ക്കായി തേസ് എന്ന പേരില് ഈ മാസം 18ന് പുതിയ ആപ്പ് പുറത്തിറക്കുമെന്നാണ് കമ്പനി അറിയിച്ചിരിക്കുന്നത്. വേഗതയുള്ളത് എന്ന് അര്ത്ഥം വരുന്ന ഹിന്ദി വാക്കായ തേസ് എന്ന പേരാണ് ആപ്പിനായി ഗുഗിള് തെരഞ്ഞെടുത്തിരിക്കുന്നത്.
നാഷണല് പേയ്മെന്റ് കോര്പറേഷന്റെ യു.പി.ഐ (യുനൈറ്റഡ് പേയ്മെന്റ് ഇന്റര്ഫേസ്) അടിസ്ഥാനപ്പെടുത്തിയാവും ഈ ആപ്പ് പ്രവര്ത്തിക്കുക. ഏത് ബാങ്ക് അക്കൗണ്ടിലുമുള്ള പണവും ആപ്പിലേക്ക് മാറ്റാനും അവിടെ നിന്ന് മറ്റൊരാളുടെ അക്കൗണ്ടിലേക്ക് അയയ്ക്കാനും കഴിയും. നിലവില് പേടിഎം പോലുള്ള വിവിധ ആപ്ലിക്കേഷനുകളും വിവിധ ബാങ്കുകളുടെ ഇ-വാലറ്റുകളും ഈ സേവനം നല്കുന്നുണ്ട്. ഇതിനിടയിലേക്കാണ് ഗുഗിള് തേസ് കടന്നുവരുന്നത്. പേടിഎം, മൊബിക്വിക്ക് തുടങ്ങിയ വാലറ്റുകളുമായി സഹകരിച്ച് ഇവയിലൂടയുള്ള സേവനം കൂടി നല്കുന്ന തരത്തിലായിരിക്കും തേസ് പ്രവര്ത്തിക്കുകയെന്നാണ് സൂചന.
ഏറ്റവും പുതിയ ബിസിനസ് വാർത്തകളുമായി Money News അപ്പ്ഡേറ്റായി തുടരൂ — മാർക്കറ്റ് ട്രെൻഡുകൾ, Share Market News വാർത്തകളുമായി Tax News, IPO, ബാങ്കിംഗ്, ഫിനാൻസ്, റിയൽ എസ്റ്റേറ്റ്, നിക്ഷേപം, സമ്പാദ്യം തുടങ്ങി സമഗ്രമായ വിവരങ്ങൾ നിങ്ങളുടെ കൈവശം. ദിവസേനയുള്ള Gold Rate Today സ്വർണവില മാറ്റങ്ങൾ എട്ടാം ശമ്പള കമ്മീഷൻ തുടങ്ങിയ വിഷയങ്ങളിലെ ഏറ്റവും പുതിയ അപ്ഡേറ്റുകളും വിദഗ്ധ വിശകലനങ്ങളും അറിയൂ.