ചെന്നൈയില്‍ ഇന്ന് നടത്തിയ റെയ്ഡുകളില്‍ അനധികൃതമായി സൂക്ഷിച്ചിരുന്ന 90 കോടി രൂപയാണ് അധികൃതര്‍ പിടിച്ചെടുത്തത്. ഇതില്‍ 80 കോടിയും പിന്‍വലിച്ച നോട്ടുകളും ബാക്കി 10 കോടി 2000 രൂപാ നോട്ടുകളുമായിരുന്നു. നോട്ടുകള്‍ വിന്‍വലിച്ച് ഒരു മാസം കഴിഞ്ഞിട്ടും ഇപ്പോഴും പഴയ നോട്ടുകള്‍ സ്വീകരിച്ച് ചില ജ്വല്ലറികള്‍ സ്വര്‍ണം നല്‍കുന്നുണ്ടെന്ന വിവരം ആദായ നികുതി വകുപ്പിന് ലഭിച്ചിട്ടുണ്ട്. ചെന്നൈയിലെ എട്ട് ജ്വല്ലറികളില്‍ നിന്നുമാത്രം 100 കിലോ സ്വര്‍ണ്ണവും പിടിച്ചെടുത്തു. 30 കോടി രൂപ ഇതിന് വിലമതിക്കുന്നതാണ്. നഗരത്തിലെ ഒരു ഹോട്ടല്‍ മുറിയില്‍ നിന്ന് 70 കിലോഗ്രാം സ്വര്‍ണവും നികുതി ഉദ്ദ്യോഗസ്ഥര്‍ പിടിച്ചു.