31 റോക്കറ്റുകള് ഒരുമിച്ച് വിക്ഷേപിക്കാന് ഐ.എസ്.ആര്.ഒ; മെഗാമിഷന് ജനുവരി 10-ന്
Synopsis
ദില്ലി: ജനുവരി പത്തിന് 31 ഉപഗ്രഹങ്ങള് ഒരുമിച്ച് വിക്ഷേപിക്കുമെന്ന് ഐ.എസ്.ആര്.ഒ അറിയിച്ചു. ഇന്ത്യയുടെ ഭൗമനിരീക്ഷഉപഗ്രഹമായ കാര്ട്ടോസാറ്റ് 2 അടക്കമുള്ള ഉപഗ്രങ്ങളാണ് ഒരൊറ്റ റോക്കറ്റുപയോഗിച്ച് ഐഎസ്ആര്ഒ ബഹിരാകാശത്തെത്തിക്കുന്നത്.
ആന്ധ്രാപ്രദേശിലെ ശ്രീഹരിക്കോട്ടയില് നിന്നും പിഎസ്എല്വി സി40 റോക്കറ്റുപയോഗിച്ച് വിക്ഷേപണം നടത്തുവാനാണ് ഐഎസ്ആര്ഒ പദ്ധതിയിട്ടിരിക്കുന്നത്. ആഗസ്റ്റില് ഐ.ആര്.എന്.എസ്.എസ്-വണ് എച്ച് ഉപയോഗിച്ചുള്ള ഗതിനിയന്ത്രണ ഉപഗ്രഹവിക്ഷേപണം പരാജയപ്പെട്ട ശേഷം ഇതാദ്യമായാണ് പിഎസ്എല്വി ഉപയോഗിച്ച് ഐഎസ്ആര്ഒ വീണ്ടും ഉപഗ്രഹ വിക്ഷേപണം നടത്തുന്നത്.
ഈ വര്ഷം ഫിബ്രുവരിയില് പിഎസ്എല്വി-സി37 റോക്കറ്റുപയോഗിച്ചുള്ള വിക്ഷേപണത്തില് കാര്ട്ടോസാറ്റ് 2 അടക്കം 104 ഉപഗ്രഹങ്ങള് ഐഎസ്ആര്ഒ ബഹിരാകാശത്തെത്തിച്ചിരുന്നു. പിന്നീട് ജൂണില് നടത്തിയ മറ്റൊരു വിക്ഷേപണത്തിലൂടെ 30 ഉപഗ്രഹങ്ങളാണ് ഒരുമിച്ച് ബഹിരാകാശത്തെത്തിച്ചത്.
ഏറ്റവും പുതിയ ബിസിനസ് വാർത്തകളുമായി Money News അപ്പ്ഡേറ്റായി തുടരൂ — മാർക്കറ്റ് ട്രെൻഡുകൾ, Share Market News വാർത്തകളുമായി Tax News, IPO, ബാങ്കിംഗ്, ഫിനാൻസ്, റിയൽ എസ്റ്റേറ്റ്, നിക്ഷേപം, സമ്പാദ്യം തുടങ്ങി സമഗ്രമായ വിവരങ്ങൾ നിങ്ങളുടെ കൈവശം. ദിവസേനയുള്ള Gold Rate Today സ്വർണവില മാറ്റങ്ങൾ എട്ടാം ശമ്പള കമ്മീഷൻ തുടങ്ങിയ വിഷയങ്ങളിലെ ഏറ്റവും പുതിയ അപ്ഡേറ്റുകളും വിദഗ്ധ വിശകലനങ്ങളും അറിയൂ.