ഏവരും കാത്തിരുന്ന ജിയോയുടെ പ്രഖ്യാപനമെത്തി

ഇന്ത്യന്‍ കോര്‍പ്പറേറ്റ് ലോകം കാത്തിരുന്ന ആ പ്രഖ്യപനമെത്തി

മുംബൈ: ഇന്ത്യന്‍ കോര്‍പ്പറേറ്റ് ലോകം കാത്തിരുന്ന ആ പ്രഖ്യപനമെത്തി. ജിയോ ലാഭത്തിലാണ് എന്നതായിരുന്നു ആ പ്രഖ്യാപനം. മുന്‍ പാദത്തെ അപേക്ഷിച്ച് 1.20 ശതമാനത്തിന്‍റെ വളര്‍ച്ചയുമായി ജിയോ വളര്‍ച്ചയുടെ പാതയില്‍ അതിവേഗം മുന്നേറ്റം തുടങ്ങി.

മാര്‍ച്ചില്‍ അവസാനിച്ച പാദത്തില്‍ ജിയോ നേടിയെടുത്തത് 510 കോടി രൂപയുടെ ലാഭം. ഒരു ഉപഭോക്താവില്‍ നിന്ന് ശരാശരി ലഭിക്കുന്ന ഇപ്പോഴത്തെ വരുമാനം 137.10 രൂപയാണ്. ഒക്ടോബറില്‍ തുടങ്ങി ഡിസംബറില്‍ അവസാനിച്ച പാദത്തിലെ കമ്പനിയുടെ ലാഭം 504 കോടിയായിരുന്നു. 

കണക്കുകളെ അടിസ്ഥാനപ്പെടുത്തി പരിശോധിക്കുമ്പോള്‍ കമ്പനിയുടെ ആകെ വരുമാനം 7,120 കോടി രൂപയാണ്. ടെലിക്കോം രംഗത്ത് സൗജന്യ കോളും ഇന്‍റര്‍നെറ്റും നല്‍കി വിപ്ലവകരമായ മുന്നോറ്റവുമായി വിപണിയിലെത്തിയ ജിയോയുടെ ഓരോ തീരുമാനങ്ങള്‍ക്കും വലിയ വാര്‍ത്ത പ്രാധാന്യമാണ് കല്‍പ്പിക്കുന്നത്.