അദാനി ഗ്രീൻ എനർജി ലിമിറ്റഡിന് ശേഷം ഈ നേട്ടം കൈവരിക്കുന്ന രണ്ടാമത്തെ സ്ഥാപനമാണിത്.
മുംബൈ: അദാനി പോർട്ട്സ് ആൻഡ് സ്പെഷ്യൽ ഇക്കണോമിക് സോൺ ലിമിറ്റഡിന്റെ വിപണി മൂല്യം ആദ്യമായി ഒരു ട്രില്യൺ രൂപ മറികടന്ന് മുന്നേറി. ഓഹരികൾ റെക്കോർഡ് ഉയരത്തിലെത്തിയതാണ് ഈ വൻ കുതിപ്പിന് കാരണം. ഈ വർഷം ഇതുവരെ 34 ശതമാനത്തിലധികമാണ് ഓഹരികളുടെ മുന്നേറ്റം.
ബി എസ് ഇയിൽ സ്റ്റോക്ക് എക്കാലത്തെയും ഉയർന്ന നിരക്കായ 492.85 രൂപയിൽ എത്തി, ഇത് മുൻ ക്ലോസിനേക്കാൾ 3% ഉയർന്ന നിരക്കാണ്. നവംബറിൽ സ്റ്റോക്ക് 14% ഉയർന്നപ്പോൾ ഈ മാസം ഇതുവരെ ഓഹരി 20% ഉയർന്നു.
അദാനി ഗ്രീൻ എനർജി ലിമിറ്റഡിന് ശേഷം ഈ നേട്ടം കൈവരിക്കുന്ന രണ്ടാമത്തെ സ്ഥാപനമാണിത്.
കൃഷ്ണപട്ടണം തുറമുഖം ഏറ്റെടുത്തതിനെത്തുടർന്ന് നിരവധി ബ്രോക്കറേജുകൾ സ്റ്റോക്കിന്റെ ടാർഗെറ്റ് വില ഉയർത്തിയതിനെത്തുടർന്ന് നിക്ഷേപകർ അദാനി പോർട്ട്സിന്റെ ഓഹരി വാങ്ങലുകാരായി മാറി. കരാർ ഒപ്പിട്ട ആദ്യ ദിവസം മുതൽ ഇതിന് മൂല്യവർദ്ധന സാധ്യതയുണ്ടെന്നാണ് അനലിസ്റ്റ് അഭിപ്രായപ്പെട്ടിരുന്നത്.