ലണ്ടന്: ലോകത്തിലെ ഏറ്റവും അമൂല്യ വജ്രം വില്ക്കാന് ഒരുങ്ങുന്നു. ലണ്ടനിലാണ് ഏറ്റവും അമൂല്യ വജ്രം ലേലത്തിനൊരുങ്ങുന്നത്. 102.34 കാരറ്റ് ശുദ്ധിയുള്ള വജ്രത്തിന് ഏകദേശം 212 കോടി രൂപ(3.3 കോടി ഡോളര്)വിലയാണ് സംഘാടകര് പ്രതീക്ഷിക്കുന്നത്.
ന്യൂയോര്ക്ക് ആസ്ഥാനമായുള്ള സോത്തെബിസ് ഗ്രൂപ്പാണു ലേലത്തിന്റെ സംഘാടകര്. ബോട്സ്വാനയിലെ ഖനിയില് നിന്നാണു കുഴിച്ചെടുത്ത ഈ വജ്രം ഏറ്റവും അമൂല്യമായതും ശുദ്ധിയുള്ളതുമായ വെളുത്ത വജ്രക്കല്ലാണെന്ന് സോത്തെബിസ് അഭിപ്രായപ്പെട്ടു. വ്യാഴാഴ്ച സോത്തെബിസിന്റെ ലണ്ടനിലെ ഷോറൂമില് വജ്രം പ്രദര്ശിപ്പിച്ചിരുന്നു.
2013ല് ഹോങ്കോഗില് നടന്ന ലേലത്തില് വിറ്റ 163 കാരറ്റ് വജ്രമാണ് നിലവില് ഏറ്റവും മൂല്യമേറിയ വജ്രമായി കണക്കാക്കുന്നത്. കാരറ്റിന് 2,60000 ഡോളറാണ് അന്ന് വജ്രത്തില് ലേലത്തില് ലഭിച്ചത്.