ഓഹരി വിപണികള് സര്വകാല റെക്കോഡില് തുടരുന്നു
Synopsis
കൊച്ചി: ഓഹരി വിപണികള് സര്വകാല റെക്കോഡില് തുടരുന്നു. മുംബൈ ഓഹരി സൂചികയായ സെന്സെക്സ് രാവിലെ 34,123ല് എത്തി. നിഫ്റ്റി 10,550ന് അടുത്തെത്തി. എണ്ണ, ഊര്ജ്ജ, ആരോഗ്യ സെക്ടറുകളിലെ മികച്ച പ്രകടനമാണ് വിപണികളെ മികച്ച നേട്ടത്തില് നിലനിര്ത്തുന്നത്. എന്നാല് തുടക്കത്തിന്റെ ഉയര്ച്ചയ്ക്ക് ശേഷം വിപണികളെ വില്പ്പന സമ്മര്ദ്ദം പിടികൂടി.
ആര്കോമിന്റെ ഓഹരി വില ഉയരുന്നതും സണ് ഫാര്മയുടെ ഓഹരികള് മികച്ച നേട്ടമുണ്ടാക്കിയതും വിപണിയില് പ്രതിഫലിക്കുന്നുണ്ട്. അമേരിക്കയിലെ ഡ്രഗ് റെഗുലേറ്റര് സണ് ഫാര്മയുടെ പുതിയ അപേക്ഷ സ്വീകരിച്ചയാണ് വിപണിയിലെ നേട്ടത്തിന് ആധാരം. ആഭ്യന്തര നിക്ഷേപര് കൂടുതല് താത്പര്യം പ്രകടിപ്പിക്കുന്നതും വിപണിയെ സ്വാധീനിക്കുന്നു. സണ് ഫാര്മ, ഡോ.റെഡ്ഡീസ് ലാബ്സ്, ഭെല് എന്നിവയാണ് നേട്ടപ്പട്ടികയില് മുന്നില്. അതേസമയം വിപ്രോ, ഐ.സി.ഐ.സി.ഐ ബാങ്ക്, ഏഷ്യന് പെയിന്റ്സ് എന്നിവ നേട്ടത്തിലാണ്. ഡോളറുമായുള്ള വിനിമയത്തില് രൂപയും നഷ്ടത്തിലാണ്. അഞ്ച് പൈസ നഷ്ടത്തോടെ 64.13 രൂപയിലാണ് ഇന്ന് വിനിമയം.
ഏറ്റവും പുതിയ ബിസിനസ് വാർത്തകളുമായി Money News അപ്പ്ഡേറ്റായി തുടരൂ — മാർക്കറ്റ് ട്രെൻഡുകൾ, Share Market News വാർത്തകളുമായി Tax News, IPO, ബാങ്കിംഗ്, ഫിനാൻസ്, റിയൽ എസ്റ്റേറ്റ്, നിക്ഷേപം, സമ്പാദ്യം തുടങ്ങി സമഗ്രമായ വിവരങ്ങൾ നിങ്ങളുടെ കൈവശം. ദിവസേനയുള്ള Gold Rate Today സ്വർണവില മാറ്റങ്ങൾ എട്ടാം ശമ്പള കമ്മീഷൻ തുടങ്ങിയ വിഷയങ്ങളിലെ ഏറ്റവും പുതിയ അപ്ഡേറ്റുകളും വിദഗ്ധ വിശകലനങ്ങളും അറിയൂ.