Bro Daddy song : 'പറയാതെ വന്നെന്'; ദീപക് ദേവിന്റെ ഈണത്തില് 'ബ്രോ ഡാഡി'യിലെ ആദ്യ ഗാനം
Synopsis
പാടിയിരിക്കുന്നത് എം ജി ശ്രീകുമാറും വിനീത് ശ്രീനിവാസനും ചേര്ന്ന്
മോഹന്ലാലിനെ (Mohanlal) ടൈറ്റില് കഥാപാത്രമാക്കി പൃഥ്വിരാജ് (Prithviraj) സംവിധാനം ചെയ്യുന്ന 'ബ്രോ ഡാഡി'യിലെ (Bro Daddy) ആദ്യ വീഡിയോ സോംഗ് പുറത്തെത്തി. 'പറയാതെ വന്നെന്' എന്നാരംഭിക്കുന്ന ഗാനത്തിന് വരികള് എഴുതിയിരിക്കുന്നത് ലക്ഷ്മി ശ്രീകുമാര് ആണ്. ദീപക് ദേവ് ഈണമിട്ടിരിക്കുന്ന ഗാനം ആലപിച്ചിരിക്കുന്നത് എം ജി ശ്രീകുമാറും വിനീത് ശ്രീനിവാസനും ചേര്ന്നാണ്.
'ലൂസിഫറി'നു ശേഷം മോഹന്ലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന ചിത്രമാണിത്. അക്കാരണത്താല് തന്നെ പ്രേക്ഷകരുടെ സജീവശ്രദ്ധ നേടിയെടുത്ത ചിത്രവും. ശ്രീജിത്ത് എന്, ബിബിന് മാളിയേക്കല് എന്നിവരുടേതാണ് തിരക്കഥ. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് നിര്മ്മാണം. 'ദൃശ്യം 2'നു ശേഷം മോഹന്ലാലിന്റേതായി ഡയറക്റ്റ് ഒടിടി റിലീസ് ചെയ്യപ്പെടുന്ന ചിത്രമാണിത്. ഡിസ്നി പ്ലസ് ഹോട്ട്സ്റ്റാറിലൂടെ ജനുവരി 26നാണ് റിലീസ്. മോഹന്ലാല്, പൃഥ്വിരാജ് എന്നിവര്ക്കൊപ്പം മീന, കല്യാണി പ്രിയദര്ശന്, കനിഹ, ലാലു അലക്സ്, ജഗദീഷ്, സൗബിന് ഷാഹിര്, ഉണ്ണി മുകുന്ദന്, മല്ലിക സുകുമാരന് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. അഭിനന്ദന് രാമാനുജമാണ് ഛായാഗ്രഹണം. എഡിറ്റിംഗ് അഖിലേഷ് മോഹന്.