മോദിയെന്തിന്? തരൂരിനെ തോൽപ്പിക്കാൻ താൻ മതിയെന്ന് കുമ്മനം

തിരുവനന്തപുരത്ത് ശശി തരൂരിന്‍റെ പരാജയമുറപ്പിക്കാൻ താൻ തന്നെ ധാരാളമാണെന്നും കുമ്മനം രാജശേഖരൻ ഏഷ്യാനെറ്റ് ന്യൂസിനോട് പറഞ്ഞു. 

തിരുവനന്തപുരം: രാഹുൽ ഗാന്ധി വയനാട്ടിൽ മത്സരിക്കുന്നത് പോലെ നരേന്ദ്ര മോദിക്ക് തിരുവനന്തപുരത്ത് മത്സരിക്കാൻ ധൈര്യമുണ്ടോ എന്ന ശശി തരൂരിന്‍റെ വെല്ലുവിളിയ്ക്ക് മറുപടിയുമായി കുമ്മനം രാജശേഖരൻ.

"

നരേന്ദ്രമോദിയോടുള്ള ശശി തരൂരിന്‍റെ വെല്ലുവിളി ബാലിശമായിപ്പോയി. തിരുവനന്തപുരത്ത് ശശി തരൂരിനെ തോൽപ്പിക്കാൻ നരേന്ദ്ര മോദിയുടെ ആവശ്യമില്ല. തിരുവനന്തപുരത്ത് ശശി തരൂരിന്‍റെ പരാജയമുറപ്പിക്കാൻ താൻ തന്നെ ധാരാളമാണെന്നും കുമ്മനം രാജശേഖരൻ ഏഷ്യാനെറ്റ് ന്യൂസിനോട് പറഞ്ഞു.