രമ്യ ഹരിദാസിനെതിരെ വിജയരാഘവന്‍റെ പ്രസ്ഥാവന സ്ത്രീവിരുദ്ധം; ഉമ്മൻചാണ്ടി

സ്ത്രീ വിരുദ്ധ പരാമര്‍ശം നടത്തിയ എ വിജയരാഘവനെതിരെ ഇടത് മുന്നണി നടപടിയെടുക്കുമോ എന്ന് ഉമ്മൻ ചാണ്ടി.

കോട്ടയം: ആലത്തൂരിലെ യുഡിഎഫ് സ്ഥാനാര്‍ത്ഥി രമ്യ ഹരിദാസിനെതിരെ ഇടത് മുന്നണി കൺവീനര്‍ നടത്തിയത് സ്ത്രീ വിരുദ്ധ പരാമാര്‍ശമെന്ന് ഉമ്മൻചാണ്ടി. അശ്ലീല പരാമര്‍ശം നടത്തിയ നടപടി അങ്ങേ അറ്റം വേദനാജനകമാണെന്നും ഉമ്മൻചാണ്ടി കോട്ടയത്ത് പ്രതികരിച്ചു. ഇക്കാര്യത്തിൽ നിലപാട് വ്യക്തമാക്കാൻ സിപിഎം തയ്യാറാകണം. എ വിജയരാഘവന് എതിരെ സിപിഎം നടപടി എടുക്കുമോ എന്നും ഉമ്മൻചാണ്ടി ചോദിച്ചു. 

രമ്യക്കെതിരായ പരമാര്‍ശത്തെ നിയമപരമായി നേരിടാനാണ് യുഡിഎഫ് തീരുമാനം. ഇതോടൊപ്പം രാഹുൽ ഗാന്ധിക്കെതിരായ ഉണ്ടായ അമുൽ ബേബി, പപ്പുമോൻ പ്രയോഗങ്ങൾ സിപിഎമ്മിന് മനോനില തെറ്റിയതിന് തെളിവാണെന്നും ഉമ്മൻചാണ്ടി ആരോപിച്ചു.