news
പാർട്ടി പദവികളും പ്രാഥമിക അംഗത്വവും രാജി വച്ചുള്ള കത്ത് നേതൃത്വത്തിനു കൈമാറി. ട്വിറ്ററിൽ നിന്ന് കോൺഗ്രസ്സ് വക്താവ് എന്ന വിശേഷണം ഇന്നലെ ഒഴിവാക്കിയിരുന്നു.
ദില്ലി: കോൺഗ്രസ് വക്താവ് പ്രിയങ്ക ചതുർവേദി പാർട്ടി വിട്ടു. പാർട്ടി പദവികളും പ്രാഥമിക അംഗത്വവും പ്രിയങ്ക ചതുർവേദി രാജി വച്ചു. രാജി കത്ത് നേതൃത്വത്തിന് കൈമാറി. ട്വിറ്ററിൽ നിന്ന് കോൺഗ്രസ് വക്താവ് എന്ന വിശേഷണം പ്രിയങ്ക ഇന്നലെ ഒഴിവാക്കിയിരുന്നു.
തന്നോട് മോശമായി പെരുമാറിയ നേതാക്കളെ പാർട്ടിയിൽ തിരിച്ചെടുത്തതിൽ അതൃപ്തിയറിയിച്ച് കൊണ്ടാണ് പ്രിയങ്ക ചതുർവേദിയുടെ രാജി. പാർട്ടിക്ക് വേണ്ടി ഒഴുക്കിയ വിയർപ്പിൻെറയും രക്തത്തിൻെറയും കണക്ക് പറഞ്ഞ് അവരെ തിരിച്ചെടുത്തതിൽ കടുത്ത ദുഃഖമുണ്ടെന്ന് പ്രിയങ്ക ഇന്നലെ ട്വീറ്റ് ചെയ്തിരുന്നു.
പാർട്ടിക്ക് വേണ്ടി താന് നിരവധി വിമർശനങ്ങളും അപമാനങ്ങളും നേരിട്ടിട്ടുണ്ട്. പക്ഷെ, തന്നെ ഭീഷണിപ്പെടുത്തിയവരെ മാറ്റി നിർത്താൻ പോലും പാർട്ടി തയ്യാറാകുന്നില്ലെന്നത് സങ്കടകരമാണെന്നുമാണ് പ്രിയങ്ക ചതുർവേദി ഇന്നലെ ട്വിറ്ററില് കുറിച്ചത്. സൈബറിടത്തില് കോണ്ഗ്രസിന്റെ ശക്തയായ വക്താവായിരുന്നു പ്രിയങ്ക ചതുർവേദി.
I am absolutely overwhelmed and grateful with the love and support I have got across board from the nation in the past 3 days.
I consider myself blessed with this immense outpouring of support. Thank you to all who have been a part of this journey. pic.twitter.com/WhUYYlwHLj