വെള്ളാപ്പള്ളിയെ കാശിക്കുവിടാനുള്ള ഒരുക്കം തുടങ്ങി: എ എ ഷുക്കൂർ

വെള്ളാപ്പള്ളി തലമൊട്ടയടിച്ച് കാശിയിൽ പോകേണ്ടി വരുമെന്ന് എ എ ഷുക്കൂര്‍ പറഞ്ഞു. വെള്ളാപ്പള്ളി പിന്തുണച്ചവരുടെ ഗതി എന്താണെന്ന് ആലപ്പുഴക്കാർക്കറിയാം. 

തിരുവനന്തപുരം: വെള്ളാപ്പള്ളിക്കെതിരെ കോണ്‍ഗ്രസ് നേതാവ് എ എ ഷുക്കൂര്‍ രംഗത്ത്. ആലപ്പുഴയില്‍ ആരിഫ് ജയിക്കും. ആരിഫ് തൊറ്റാല്‍ താന്‍ തല മുണ്ഡനം ചെയ്ത് കാശിക്ക് പോകുമെന്നും വെള്ളാപ്പള്ളി വെല്ലുവിളിച്ചിരുന്നു ഇതിനെതിരെയാണ് കോണ്‍ഗ്രസ് നേതാവ് എ എ ഷുക്കൂര്‍ രംഗത്തെത്തിയത്. 

വെള്ളാപ്പള്ളി തലമൊട്ടയടിച്ച് കാശിയിൽ പോകേണ്ടി വരുമെന്ന് എ എ ഷുക്കൂര്‍ പറഞ്ഞു. വെള്ളാപ്പള്ളി പിന്തുണച്ചവരുടെ ഗതി എന്താണെന്ന് ആലപ്പുഴക്കാർക്കറിയാം. സിപിഎമ്മും വെള്ളാപ്പള്ളിയും തമ്മിലുള്ള കച്ചവടമെന്തെന്ന് മനസ്സിലായെന്നും വെള്ളാപ്പള്ളിയെ കാശിക്ക് വിടാനുള്ള ഒരുക്കങ്ങൾ ആലപ്പുഴയിൽ തുടങ്ങിയെന്നും ഷുക്കൂർ മാധ്യമ പ്രവര്‍ത്തകരോട് പറഞ്ഞു. 44 ശതമാനം ഈഴവ വോട്ടുകളുള്ള മണ്ഡലമാണ് ആലപ്പുഴ. എന്നാല്‍ അവിടേക്ക് അടൂര്‍ പ്രകാശ് വരുന്നത് ആത്മഹത്യാപരമാണെന്നും വെള്ളാപ്പള്ളി പറഞ്ഞു. 

ആലപ്പുഴയില്‍ ഈഴവ സമുദായത്തെ നശിപ്പിക്കാന്‍ ശ്രമിച്ചവരാണ് അവിടുത്തെ കോണ്‍ഗ്രസുകാരെന്നും അവര്‍ ആലപ്പുഴയിലേക്ക് വരേണ്ടതില്ലെന്നും ഇന്ന് രാവിലെ വെള്ളപ്പള്ളി നടേശന് മാധ്യമ പ്രവര്‍ത്തകരോട് പറഞ്ഞിരുന്നു.  ആലപ്പുഴയില്‍ മത്സരിക്കുന്നതില്‍ നിന്ന് പേടിച്ചാണ് കെ സി വേണുഗോപാല്‍ പിൻമാറിയത്. തന്നെ നശിപ്പിക്കാൻ വേണുഗോപാൽ ശ്രമിച്ചുവെന്നും വെള്ളാപ്പള്ളി ആരോപിച്ചു. ആലപ്പുഴ ലോക്സഭാ മണ്ഡലത്തിലേക്ക് കോണ്‍ഗ്രസ് വരേണ്ട ആവശ്യമില്ല. കെ സി വേണുഗോപാല്‍ മത്സരിച്ചാല്‍ ആറ് നിലയില്‍ പൊട്ടിത്തെറിക്കുമെന്നും എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ പറഞ്ഞിരുന്നു.