രൂപ രണ്ടാഴ്ചത്തെ ഏറ്റവും താഴ്ന്ന നിലയിൽ, യുഎസ് ഡോളർ ശക്തിപ്രാപിക്കുന്നു: ഐടി ഓഹരികളിൽ നേട്ടം

യുഎസ് ട്രഷറി വരുമാനം ഒറ്റരാത്രികൊണ്ട് വർധിച്ചു. 

മുംബൈ: യുഎസ് ഡോളറിനെതിരെ ഇന്ത്യൻ രൂപ ഇന്ന് രണ്ടാഴ്ചത്തെ ഏറ്റവും താഴ്ന്ന നിലയിലേക്ക് ഇ‌ടിഞ്ഞു. മറ്റ് ഏഷ്യൻ കറൻസികളും വിപണിയിൽ ബലഹീനത പ്രകടിപ്പിച്ചു. അമേരിക്കൻ ഡോളർ ശക്തിപ്രാപിക്കുകയാണ്. യുഎസ് ഫെഡറൽ റിസർവ് പ്രതീക്ഷിച്ചതിലും വേഗത്തിൽ അതിന്റെ ഉത്തേജന ഇടപെ‌ടലുകൾ കുറയ്ക്കുമെന്ന ആശങ്കകൾക്കിടെ ഡോളറിനെതിരെ രൂപ 74.42 എന്ന നിരക്കിലേക്ക് ഇടിഞ്ഞു. തിങ്കളാഴ്ച ക്ലോസിം​ഗിൽ നിരക്ക് 74.26 എന്ന നിലയിലായിരുന്നു. 

ഡോളർ സൂചിക 93.040 ആയി ഉയർന്നു. റെക്കോർഡ് നിലവാരത്തിലേക്ക് തൊഴിലവസരങ്ങൾ ഉയർന്നതോടെ യുഎസ് ട്രഷറി വരുമാനം ഒറ്റരാത്രികൊണ്ട് വർധിച്ചു. 

മൂല്യനിർണ്ണയം റെക്കോർഡ് ഉയരത്തിൽ എത്തുമ്പോൾ ഉച്ചകഴിഞ്ഞ് വിപണി വളരെയധികം അസ്ഥിരമായി. ഇത് മേഖലകളിലുടനീളം ലാഭ ബുക്കിംഗിലേക്ക് നയിച്ചു.

54554.66 ൽ സെൻസെക്സ് 151.81 പോയിന്റ് അഥവാ 0.28 ശതമാനം ഉയർന്നു. നിഫ്റ്റി 50 21.80 പോയിന്റ് അഥവാ 0.13 ശതമാനം ഉയർന്ന് 16280.10 ൽ എത്തി. 679 ഓഹരികൾ മുന്നേറി, 2401 ഓഹരികൾ കുറഞ്ഞു, 98 ഓഹരികൾ വ്യാപാര സമയം പിന്നിടുമ്പോൾ മാറ്റമില്ലാതെ തുടരുന്നു.

ഐടി ഒഴികെയുള്ള മേഖലാ സൂചികകൾ ഇടിഞ്ഞു. നിഫ്റ്റി മെറ്റൽ, പി എസ് യു ബാങ്ക് സൂചികകൾ രണ്ട് ശതമാനം വീതം ഇടിവ് രേഖപ്പെടുത്തി. ബി എസ് ഇ സ്മോൾകാപ്പ് സൂചിക രണ്ട് ശതമാനവും മിഡ് ക്യാപ്പ് സൂചിക ഒരു ശതമാനവും ഇടിഞ്ഞു.

ഭാരതി എയർടെൽ, ടെക് മഹീന്ദ്ര, എച്ച്ഡിഎഫ്സി, കൊട്ടക് മഹീന്ദ്ര ബാങ്ക്, എം ആൻഡ് എം എന്നിവ നിഫ്റ്റിയിൽ നേട്ടമുണ്ടാക്കി. ശ്രീ സിമന്റ്സ്, ജെഎസ്ഡബ്ല്യു സ്റ്റീൽ, ടാറ്റ സ്റ്റീൽ, പവർ ഗ്രിഡ് കോർപ്പറേഷൻ, ഐഒസി എന്നിവ നഷ്ട മാർജിനിലേക്ക് വീണു. 

കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും.  #BreakTheChain #ANCares #IndiaFightsCorona