എംഎസ്എംഇ സംരംഭ വായ്പാ രംഗത്ത് വൻ വളർച്ച, കൊവിഡ് പാക്കേജ് വായ്പാ വർധനയ്ക്ക് ഇടയാക്കി: റിപ്പോർട്ട്
Synopsis
കൃത്യ സമയത്തുള്ള നയപരമായ ഇടപെടലുകള് ഹ്രസ്വകാലത്തിലും ദീര്ഘകാലത്തിലുമുള്ള നേട്ടങ്ങളാണ് സൃഷ്ടിച്ചതെന്ന് ഇതേക്കുറിച്ചു പ്രതികരിക്കവേ ട്രാന്സ്യൂണിയന് സിബില് മാനേജിങ് ഡയറക്ടറും സിഇഒയുമായ രാജേഷ് കുമാര് പറഞ്ഞു.
മുംബൈ: നടപ്പ് സാമ്പത്തിക വര്ഷത്തിന്റെ രണ്ടാം ത്രൈമാസത്തില് സൂക്ഷ്മ-ചെറുകിട-ഇടത്തരം സംരംഭ മേഖലയിലെ വായ്പകള് വര്ധിച്ചതായി ട്രാന്സ്യൂണിയന് സിബിലും കേന്ദ്ര സ്ഥിതിവിവരക്കണക്ക് പദ്ധതി നടപ്പാക്കല് മന്ത്രാലയവും സഹകരിച്ചു പുറത്തിറക്കിയ സൂക്ഷ്മ-ചെറുകിട-ഇടത്തരം സംരംഭ മേഖലയ്ക്കായുള്ള വായ്പാ ആരോഗ്യ സൂചിക ചൂണ്ടിക്കാട്ടുന്നു.
2020 സെപ്റ്റംബറില് അവസാനിച്ച ത്രൈമാസത്തെ വളര്ച്ചാ സൂചിക 114 പോയിന്റിലാണെന്നും ശക്തി സൂചിക 89 പോയിന്റിലാണെന്നും കണക്കുകള് ചൂണ്ടിക്കാട്ടുന്നു. കൊവിഡിന്റെ ആഘാതങ്ങളില് നിന്നു തിരിച്ചു വരാനായി സര്ക്കാര് നടപ്പിലാക്കിയ കൊവിഡ് പക്കേജുമായി ബന്ധപ്പെട്ട പദ്ധതികളെ തുടര്ന്ന് 2020 ജൂണ് മുതല് സൂക്ഷ്മ-ചെറുകിട-ഇടത്തരം സംരംഭ മേഖലയ്ക്കായുള്ള വായ്പകള് ഗണ്യമായി വര്ധിക്കാന് തുടങ്ങിയിരുന്നു.
കൃത്യ സമയത്തുള്ള നയപരമായ ഇടപെടലുകള് ഹ്രസ്വകാലത്തിലും ദീര്ഘകാലത്തിലുമുള്ള നേട്ടങ്ങളാണ് സൃഷ്ടിച്ചതെന്ന് ഇതേക്കുറിച്ചു പ്രതികരിക്കവേ ട്രാന്സ്യൂണിയന് സിബില് മാനേജിങ് ഡയറക്ടറും സിഇഒയുമായ രാജേഷ് കുമാര് പറഞ്ഞു. സൂക്ഷ്മ ചെറുകിട ഇടത്തരം സംരംഭ സംരംഭങ്ങള്ക്കു വായ്പ നല്കുന്നതില് പൊതുമേഖലാ ബാങ്കുകളാണ് തുടക്കത്തില് നീക്കങ്ങള് നടത്തിയത്. തുടര്ന്ന് സ്വകാര്യ ബാങ്കുകളും ബാങ്ക് ഇതര ധനകാര്യ സ്ഥാപനങ്ങളും ഇക്കാര്യത്തില് നടപടികളെടുത്തതായും അദ്ദേഹം കൂട്ടിച്ചേര്ത്തു.