തൊഴിലുടമകൾ അല്ലെന്നും അതിനാൽ തൊഴിലാളികൾക്ക് ആനുകൂല്യങ്ങൾ നൽകാൻ കഴിയില്ലെന്നും ആയിരുന്നു ഇത്രയും കാലം ഊബർ വാദിച്ചിരുന്നത്...
ലണ്ടൻ: ബ്രിട്ടനിൽ ഡ്രൈവർമാർക്ക് മിനിമം ശമ്പളവും പെൻഷനും അവധിയും നൽകുമെന്ന് ഊബർ. ഊബറിന്റെ എല്ലാ ഡ്രൈവർമാർക്കും തൊഴിലാളികൾക്കുള്ള ആനുകൂല്യങ്ങൾ നൽകാനാണ് തീരുമാനം. തൊഴിലുടമകൾ അല്ലെന്നും അതിനാൽ തൊഴിലാളികൾക്ക് ആനുകൂല്യങ്ങൾ നൽകാൻ കഴിയില്ലെന്നും ആയിരുന്നു ഇത്രയും കാലം ഊബർ വാദിച്ചിരുന്നത്.
എന്നാൽ ഈ വാദം ബ്രിട്ടീഷ് കോടതി തള്ളിയിരുന്നു. തുടർന്നാണ് ഊബറിന്റെ പുതിയ നിലപാട്. ഇന്ത്യ അടക്കം നിരവധി രാജ്യങ്ങളിൽ ഊബർ നിയമ നടപടി നേരിടുന്നുണ്ട്. ബ്രിട്ടനിൽ ആനുകൂല്യങ്ങൾ പ്രഖ്യാപിച്ച സാഹചര്യത്തിൽ മറ്റു രാജ്യങ്ങളിലും സമാന നിയമ പോരാട്ടങ്ങൾക്ക് സാധ്യതയുണ്ട്.