അദ്ധ്യാപികയ്ക്ക് എതിരെ മോശം കമന്റ്; 88 വിദ്യാര്ത്ഥിനികളെ നഗ്നരാക്കി
Synopsis
ഇറ്റാനഗര്: അദ്ധ്യാപികയ്ക്ക് എതിരെ മോശം കമന്റ് എഴുതിയതിന് ഗേള്സ് സ്കൂളിലെ വിദ്യാര്ത്ഥികളെ അദ്ധ്യാപികമാര് നഗ്നരാക്കി. അരുണാചല് പ്രദേശിലെ കസ്തൂര്ബ ഗാന്ധി ബാലിക വിദ്യാലയത്തിലെ ആറ്, ഏഴ് ക്ലാസിലെ 88 വിദ്യാര്ത്ഥിനികളെയാണ് മറ്റുകുട്ടികളുടെ മുമ്പില് നിന്ന് മൂന്ന് അദ്ധ്യാപികമാര് നഗ്നരാക്കിയത്.
അദ്ധ്യാപികയ്ക്ക് എതിരെ മോശം കമന്റ് എഴുതിയ കടലാസ് കണ്ടുപിടിക്കുന്നതിനായാണ് കുട്ടികളോട് ഇവര് ക്രൂരത കാണിച്ചത്. സംഭവം നടന്ന നാലാം ദിവസമാണ് ഈ വിദ്യാര്ത്ഥിനികള് സ്കൂളിലെ വിദ്യാര്ത്ഥി യൂണിയനില് പരാതി കൊടുക്കുന്നത്. നവംബര് 23 നാണ് സംഭവം നടന്നത്. നവംബര് 27 ന് വിദ്യാര്ത്ഥി യൂണിയനെ കാര്യം അറിയിക്കുകയും തുടര്ന്ന് ഇവര് പൊലീസില് പരാതി നല്കുകയുമായിരുന്നു.
എഫ്ഐആര് രജിസ്റ്റര് ചെയ്തെങ്കിലും അദ്ധ്യാപികമാര്ക്കെതിരെ കേസെടുത്തിട്ടില്ല. വിദ്യാര്ത്ഥികളെയും മാതാപിതാക്കളെയും അദ്ധ്യാപികമാരെയും ചോദ്യം ചെയ്തതിന് ശേഷമായിരിക്കും കേസ് രജിസ്റ്റര് ചെയ്യുക.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam