ദിലീപിനെ ചോദ്യം ചെയ്തതിനെ വിമര്ശിച്ച് സെന്കുമാര്
Synopsis
തിരുവനന്തപുരം: കൊച്ചിയില് നടിയെ ആക്രമിച്ച കേസിലെ ചോദ്യം ചെയ്യലിനെ വിമര്ശിച്ച് മുന് ഡിജിപി സെന്കുമാര്. ഏഷ്യാനെറ്റ് ന്യൂസിന്റെ പോയന്റ് ബ്ലാങ്കിലാണ് മുന് ഡിജിപിയുടെ വിമര്ശനം. നടിയുടെ കേസ് അന്വേഷിക്കുന്ന സംഘത്തലവന് ഇല്ലാതെ ദിലീപിനെ ചോദ്യം ചെയ്തത് ശരിയായ രീതിയിയല്ലെന്ന് സെന്കുമാര് പറഞ്ഞു. ഗിന്നസ് ബുക്കില് കയറാന് വേണ്ടിയാകരുത് ചോദ്യം ചെയ്യല്.
പോലീസ് ആസ്ഥാനത്ത് നിയമിതനായ എഡിജിപി ടോമിന് തച്ചങ്കരിയെയും സെന്കുമാര് പരിഹസിച്ചു. പൊലീസ് ആസ്ഥാനത്ത് അദ്ദേഹത്തെ സര്ക്കാര് നിയമിച്ചതിനെതിരെയാണ് പരിഹാസം. ന്യൂറോ സര്ജന് പകരം ഇറച്ചിവെട്ടുകാരനെ ഇരുത്തിയത് പോലെയാണ് തച്ചങ്കേരിയുടെ നിയമനം എന്ന് സെന്കുമാര് പറഞ്ഞു.
ഒരു തരത്തിലും കഴിവ് തെളിയിക്കാത്ത ഉദ്യോഗസ്ഥനാണ് തച്ചങ്കരിയെന്നും സെന്കുമാര് പോയിന്റ് ബ്ലാക്കില് വ്യക്തമാക്കി. ഏറെ നാളത്തെ നിയമപോരാട്ടത്തിനുശേഷം സംസ്ഥാന പൊലീസ് മേധാവിയായി ചുമതലയേറ്റ സെന്കുമാര് ഇന്നലെയാണ് സര്വീസില് നിന്നും വിരമിച്ചത്. നടി ആക്രമിക്കപ്പെട്ട സംഭവത്തില് അന്വേഷണം ശരിയായ രീതിയില് അല്ലാ നടക്കുന്നതെന്നും പ്രൊഫഷണല് രീതിയിലുളള അന്വേഷണം വേണമെന്നും ഇന്നലെ സെന്കുമാര് ഉത്തരവിറക്കിയിരുന്നു.
പോയിന്റ് ബ്ലാക്ക് ഇന്ന് രാത്രി 9.30ന് കാണാം
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam