സ്വര്ണ്ണക്കടത്ത് കേസ് പ്രതി അബുലൈസിനെ ഡിആര്ഐ പിടികൂടി. കോഴിക്കോട് ഡിആര്ഐ സംഘം തൃശൂരില് നിന്നാണ് ഇയാളെ പിടികൂടിയത്.
തൃശൂര്: എയർഹോസ്റ്റസുമാരെ ഉപയോഗിച്ച് സ്വർണം കടത്തിയ കേസിലെ പ്രതിയും പിടികിട്ടാപ്പുള്ളിയുമായ അബുല്ലൈസ് ഡിആർഐയുടെ പിടിയിലായി. കോഴിക്കോട് നിന്നെത്തിയ ഡിആർഐ സംഘം തൃശൂരിൽ വച്ചാണ് ഇയാളെ പിടികൂടിയത്. ലുലു കൺവെൻഷൻ സെന്ററിൽ ഒരു ബന്ധുവിന്റെ കല്യാണത്തിൽ പങ്കെടുക്കുന്നതിനിടെയാണ് അറസ്റ്റ്. കോഴിക്കോട് കൊടുവള്ളി സ്വദേശിയാണ് ഇയാൾ.
2013 എയർഹോസ്റ്റസുമാരെ ഉപയോഗിച്ച് കരിപ്പൂർ വഴി സ്വർണ്ണം കടത്തിയ കേസിലെ പ്രതിയാണ് അബുല്ലൈസ്. ഈ കേസിൽ മൂന്നുപേർ നേരത്തെ അറസ്റ്റിലായിരുന്നു. കോഫെപോസ ചുമത്തിയിരുന്ന അബുല്ലൈസിനെതിരേ റെഡ് കോർണർ നോട്ടീസും പുറപ്പെടുവിച്ചിരുന്നു. കുറച്ചു കാലങ്ങളായി ഇന്ത്യയിൽ വന്ന് പോകുന്നുണ്ടെന്ന് വിവരം ലഭിച്ചിരുന്നെങ്കിലും ഡി.ആർ.ഐക്ക് പിടികൂടാൻ സാധിച്ചിരുന്നില്ല. ദുബായിൽ നിന്ന് നേപ്പാളിലെ കാഠ്മണ്ഡു വിമാനത്താവളം വഴിയാണ് താൻ എത്തിയതെന്ന് ഡിആർഐയുടെ ചോദ്യം ചെയ്യലിൽ ഇയാൾ സമ്മതിച്ചിട്ടുണ്ട്.