ടിവി ഷോയ്ക്കിടെ സാമൂഹിക പ്രവര്ത്തക കുഴഞ്ഞുവീണ് മരിച്ചു
Synopsis
ടിവി ഷോയ്ക്കിടെ സാമൂഹിക പ്രവര്ത്തക കുഴഞ്ഞുവീണ് മരിച്ചു. ജമ്മു കശ്മീരില് തിങ്കളാഴ്ചയാണ് സംഭവം. സാമൂഹിക പ്രവര്ത്തകയും ഡോഗ്രി പണ്ഡിതയുമായ റിത ജിതേന്ദര് ആണ് മരിച്ചത്. സംസ്ഥാന സര്ക്കാറിന്റെ കീഴിലുള്ള ദൂരദര്ശനില് തത്സമയ പരിപാടിയില് പങ്കെടുക്കുമ്പോഴായിരുന്നു റിത കുഴഞ്ഞുവീണത്
ശ്രീനഗര്: ടിവി ഷോയ്ക്കിടെ സാമൂഹിക പ്രവര്ത്തക കുഴഞ്ഞുവീണ് മരിച്ചു. ജമ്മു കശ്മീരില് തിങ്കളാഴ്ചയാണ് സംഭവം. സാമൂഹിക പ്രവര്ത്തകയും ഡോഗ്രി പണ്ഡിതയുമായ റിത ജിതേന്ദര് ആണ് മരിച്ചത്. സംസ്ഥാന സര്ക്കാറിന്റെ കീഴിലുള്ള ദൂരദര്ശനില് തത്സമയ പരിപാടിയില് പങ്കെടുക്കുമ്പോഴായിരുന്നു റിത കുഴഞ്ഞുവീണത്. ഹൃദയ സ്തംഭനമാണ് മരണകാരണമെന്ന് സ്ഥിരീകരിച്ചിട്ടുണ്ട്.
ജമ്മു കശ്മീരിലെ ആര്ട്ട്, കള്ച്ചര്, ഭാഷാ അക്കാദമിയുടെ സെക്രട്ടറിയാണ് റിത ജിതേന്ദര്. ഇത് സംബന്ധിച്ച് ഷോയില് ഇന്റര്വ്യു ചെയ്യുന്ന ആള് ചോദ്യങ്ങള് ചോദിച്ചുകൊണ്ടിരിക്കുകയായിരുന്നു. പെട്ടെന്ന് കുഴഞ്ഞ് വീണ റിത തല്ക്ഷണം മരിക്കുകയായിരുന്നു. മരണം ഞെട്ടലുണ്ടാക്കുന്നുവെന്നാണ് വീഡിയോ കണ്ട ശേഷം സോഷ്യല് മീഡിയയില് നിരവധി പേരുടെ പ്രതികരണം.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam