ഡബ്ബു രത്നാനി എന്ന ഫോട്ടോഗ്രാഫറുടെ കലണ്ടർ ഫോട്ടോഷൂട്ടിനായി എത്തിയതായിരുന്നു രേഖ. പോസ് ചെയ്യുന്നതിനിടെ വെറുതെ ഒന്ന് തിരിഞ്ഞു നോക്കി. തൊട്ടു പിന്നിൽ അമിതാഭ് ബച്ചന്റെ ചിത്രം കണ്ടതും മുഖം മാറ്റി രേഖ നിന്നിടത്ത് ന‌ിന്ന് തിരിഞ്ഞോടി.
മുംബൈ: ഹിന്ദി സിനിമാ ലോകത്ത് ഒരു കാലത്തെ തരംഗമായ താരജോ‍ടികളായിരുന്നു രേഖയും അമിതാഭ് ബച്ചനും. വർഷങ്ങളോളം ഇവർതമ്മിൽ പ്രണയത്തിലായിരുന്നു എന്നും അഭ്യൂഹങ്ങളുണ്ടായിരുന്നു. കഴിഞ്ഞ ദിവസം നടന്ന ഒരു ഫോട്ടോഷൂട്ടിനോട് അനുബന്ധിച്ചാണ് രേഖ ഇപ്പോൾ സോഷ്യൽ മീഡിയയിൽ ചര്‍ച്ചയാകുന്നത്. ഡബ്ബു രത്നാനി എന്ന ഫോട്ടോഗ്രാഫറുടെ കലണ്ടർ ഫോട്ടോഷൂട്ടിനായി എത്തിയതായിരുന്നു രേഖ. പോസ് ചെയ്യുന്നതിനിടെ വെറുതെ ഒന്ന് തിരിഞ്ഞു നോക്കി. തൊട്ടു പിന്നിൽ അമിതാഭ് ബച്ചന്റെ ചിത്രം കണ്ടതും മുഖം മാറ്റി രേഖ നിന്നിടത്ത് ന‌ിന്ന് തിരിഞ്ഞോടി.
സോഷ്യൽ മീഡിയയിൽ ഈ വീഡിയോ വൈറലായി പ്രചരിച്ചു കൊണ്ടിരിക്കുകയാണ്. ബച്ചനും രേഖയും തമ്മിൽ കാലങ്ങളായി അകൽച്ചയിലാണെന്ന വാർത്തയ്ക്ക് ഒന്നുകൂടി ഉറപ്പേകുന്നുണ്ട് രേഖയുടെ ഈ തിരിഞ്ഞോട്ടം. പട്ടുസാരിയണിഞ്ഞാണ് രേഖയെ മിക്ക ചടങ്ങുകളിലും കാണാറ്. എന്നാൽ കറുത്ത ഡ്രെസ്സിട്ടാണ് ഇത്തവണ രേഖ ക്യാമറക്ക് മുന്നിലെത്തിയത്. ഡബ്ബു രത്നാനിയുടെ ഇരുപതാമത്തെ കലണ്ടർ ഫോട്ടോഷൂട്ടാണിത്.