ശബരിമലയുമായി ബന്ധപ്പെട്ട എല്ലാ ഹർജികളും നാളെ പരിഗണിക്കും

ശബരിമലയുമായി ബന്ധപ്പെട്ട എല്ലാ ഹർജികളും നാളെ സുപ്രീം കോടതി പരിഗണിക്കും. പുനപരിശോധനാ ഹർജികൾക്ക് പുറമേ പുതിയ റിട്ട് ഹർജികളും നാളെ പരിഗണിക്കും.

ദില്ലി: ശബരിമലയുമായി ബന്ധപ്പെട്ട എല്ലാ ഹർജികളും നാളെ സുപ്രീം കോടതി പരിഗണിക്കും. പുനഃപരിശോധനാ ഹർജികൾക്ക് പുറമേ പുതിയ റിട്ട് ഹർജികളും നാളെ പരിഗണിക്കും. റിവ്യൂ ഹർജികളും റിട്ട് ഹർജികളും ദേവസ്വം ബോർഡ് വിധി നടപ്പാക്കാൻ സാവകാശം തേടി സമർപ്പിച്ച ഹർജിയുമാണ് സുപ്രീം കോടതി നാളെ പരിഗണിക്കുക. 

ഇതോടെ ആകെ  അറുപതിലേറെ ഹർജികളാകും ശബരിമല കേസിൽ ഭരണഘടനാ ബഞ്ച് നാളെ പരിഗണിക്കുക. 55 പുനഃപരിശോധന ഹർജികൾ, നാല് പുതിയ റിട്ട് ഹർജികൾ, രണ്ട് ട്രാൻസ്ഫർ ഹർജികൾ, ദേവസ്വം ബോർഡിന്‍റെ സാവകാശ സാവകാശ അപേക്ഷ എന്നിവ നാളെ പരിഗണിക്കുന്ന ഹർജികളിൽ ഉൾപ്പെടുന്നു. അതേസമയം കോടതിയലക്ഷ്യ ഹർജികളൊന്നും നാളെ പരിഗണിക്കാൻ ലിസ്റ്റ് ചെയ്തിട്ടില്ല.