എന്തിന്‍റെ അടിസ്ഥാനത്തിലാണ് ശബരിമലയില്‍ സ്ത്രീപ്രവേശനം അനുവദിച്ചതെന്ന് അറിയട്ടെ: കണ്ണന്താനം

ശബരിമലയിലെ സ്ത്രീപ്രവേശന വിധിയെ കുറിച്ച് പഠിച്ച ശേഷം മാത്രം പ്രതികരണം എന്ന് കേന്ദ്രമന്ത്രി അൽഫോൻസ് കണ്ണന്താനം. വിധിയുടെ വിശദാംശങ്ങൾ അറിയില്ലെന്നും എന്തിന്‍റെ അടിസ്ഥാനത്തിലാണ് സ്ത്രീപ്രവേശനം അനുവദിച്ചതെന്ന് അറിയട്ടെ എന്നും അൽഫോൻസ് കണ്ണന്താനം കൊച്ചിയിൽ പറഞ്ഞു.

കൊച്ചി: ശബരിമലയിലെ സ്ത്രീപ്രവേശന വിധിയെ കുറിച്ച് പഠിച്ച ശേഷം മാത്രം പ്രതികരണം എന്ന് കേന്ദ്രമന്ത്രി അൽഫോൻസ് കണ്ണന്താനം. വിധിയുടെ വിശദാംശങ്ങൾ അറിയില്ലെന്നും എന്തിന്‍റെ അടിസ്ഥാനത്തിലാണ് സ്ത്രീപ്രവേശനം അനുവദിച്ചതെന്ന് അറിയട്ടെ എന്നും അൽഫോൻസ് കണ്ണന്താനം കൊച്ചിയിൽ പറഞ്ഞു.

ശബരിമലയില്‍ പ്രായഭേദമെന്യേ സ്ത്രീ പ്രവേശനം അനുവദിച്ചുകൊണ്ടായിരുന്നു സുപ്രീം കോടതിയുടെ ചരിത്ര വിധി. അയപ്പ ഭക്തന്മാരെ പ്രത്യേക വിഭാഗമായി കണക്കാക്കാനാകില്ലെന്ന് സുപ്രീം കോടതി നിരീക്ഷിച്ചു. ശാരീരിക അവസ്ഥയുടെ പേരിലുള്ള വിവേചനം ഭരണഘടനാ വിരുദ്ധമെന്നും കോടതി ചൂണ്ടിക്കാണിച്ചു. 

ഭരണഘടനയുടെ 25 -ാം വകുപ്പ് തരുന്ന അവകാശങ്ങള്‍ക്ക്  ജൈവീക, മാനസീക ഘടകങ്ങൾ തടസ്സമല്ലെന്നും കോടതി വിശദമാക്കി. ശബരിമല ക്ഷേത്രത്തിലെ ആചാരങ്ങൾ സത്രീകളുടെ അവകാശങ്ങൾക്ക് എതിരാണെന്നും കോടതി വ്യക്തമാക്കി. ഹിന്ദു സ്ത്രീകളുടെ അവകാശം നിരോധിക്കുന്ന നടപടിയാണ് ശബരിമലയിലേതെന്നും കോടതി വ്യക്തമാക്കി. 

സത്രീകൾ ചെറുതോ പുരുഷന്മാരേക്കാൾ വലുതോ അല്ലെന്ന് കോടതി വിശദമാക്കി. ഭരണഘടനയിലെ തുല്യ അവകാശം എല്ലാവർക്കും ഒരു പോലെ കിട്ടണമെന്നും ഭരണഘടനയ്ക്ക് അനുസൃതമായുള്ള വ്യവസ്ഥകളേ അംഗീകരിക്കാനാവൂ എന്നും കോടതി വിശദമാക്കി.