28 വര്‍ഷമായി ഇവിടെ, ഇങ്ങനെ ഒരു അവസ്ഥ ആദ്യം; പിന്തുണ അഭ്യര്‍ഥിച്ച് അനന്യയും

28 വര്‍ഷമായി പെരുമ്പാവൂരില്‍ ജീവിക്കുകയാണെന്നും ഇതുപോലെ ഒരു അവസ്ഥ ആദ്യമായാണെന്നും അനന്യ പറയുന്നു. ഇവിടെ ഇങ്ങനെ ദുരിതമാണെങ്കില്‍ ഉരുള്‍പ്പൊട്ടുന്ന വയനാട്ടിലെ ഒക്കെ അവസ്ഥ ഇതിലും മോശമായിരിക്കുമെന്നും താരം പറഞ്ഞു

പെരുമ്പാവൂര്‍: സംസ്ഥാനത്തെ ദുരിതക്കയത്തിലാക്കി മഴക്കെടുതികള്‍ വര്‍ധിക്കുമ്പോള്‍ എല്ലാവരുടെയും പിന്തുണ അഭ്യര്‍ഥിച്ച് നടി അനന്യയും. തന്‍റെ ഫേസ്ബുക്ക് ലെെവിലൂടെയാണ് അനന്യ കേരളത്തിന്‍റെ ഇപ്പോഴത്തെ അവസ്ഥയില്‍ നിന്ന് കരകയറുന്നതിന് എല്ലാവരുടെയും സഹായങ്ങള്‍ അഭ്യര്‍ഥിച്ചത്. തന്‍റെ വീടിന്‍റെ അവിടെയുള്ള റോഡില്‍ വെള്ളം കയറിയത് ചൂണ്ടിക്കാട്ടിയാണ് അനന്യ ലെെവില്‍ വന്നത്.

28 വര്‍ഷമായി പെരുമ്പാവൂരില്‍ ജീവിക്കുകയാണെന്നും ഇതുപോലെ ഒരു അവസ്ഥ ആദ്യമായാണെന്നും അനന്യ പറയുന്നു. ഇവിടെ ഇങ്ങനെ ദുരിതമാണെങ്കില്‍ ഉരുള്‍പ്പൊട്ടുന്ന വയനാട്ടിലെ ഒക്കെ അവസ്ഥ ഇതിലും മോശമായിരിക്കുമെന്നും താരം പറഞ്ഞു. കനത്ത മഴയും പ്രളയവും തുടരുന്നതിനാല്‍ സംസ്ഥാനത്തെ 14 ജില്ലകളിലും റെഡ് അലര്‍ട്ട് പ്രഖ്യാപിച്ചിട്ടുണ്ട്.

മുഴുവന്‍ ജില്ലകളിലും കനത്ത മഴയും നാശനഷ്ടങ്ങളും വര്‍ധിക്കുന്നതിനാല്‍ അതീവ ജാഗ്രത നിര്‍ദ്ദേശമാണ് പ്രഖ്യാപിച്ചിരിക്കുന്നത്. രക്ഷാപ്രവര്‍ത്തനത്തിനായി വ്യോമസേനയുടെ മൂന്ന് വിമാനങ്ങളിൽ പൂനയിൽ നിന്ന് സേനയെത്തും . ദുരിതാശ്വാസ ക്യാമ്പുകളില്‍ മിലിട്ടറി ടാസ്ക് ഫോഴ്സ് ഭക്ഷണമെത്തിക്കും.