
തിരുവനന്തപുരം: പി. എസ് ശ്രീധരന്പിളളയുടെ വെളിപ്പെടുത്തലില് ബിജെപി- തന്ത്രി ഗൂഢാലോചന തെളിഞ്ഞെന്ന് സിപിഎം സംസ്ഥാന സെക്രട്ടറിയേറ്റ് അംഗം ആനത്തലവട്ടം ആനന്ദന്. ശബരിമലയില് യുവതി പ്രവേശിച്ചാല് നടയടയ്ക്കുമെന്ന തന്ത്രിയുടെ നിലപാട് ബിജെപിയുമായി ആലോചിച്ചെന്നാണ് പാര്ട്ടി സംസ്ഥാന അധ്യക്ഷന് പി.എസ് ശ്രീധരന്പിള്ളയുടെ വെളിപ്പെടുത്തല്. തുലാമാസ പൂജാ സമയത്ത് യുവതികള് സന്നിധാനത്തിന് അടുത്ത് എത്തിയപ്പോള് തന്ത്രി വിളിച്ചിരുന്നുവെന്നും നടയടച്ചാല് കോടതി അലക്ഷ്യമാവില്ലേയെന്ന് ചോദിച്ചെന്നും ശ്രീധരന്പിള്ള പറഞ്ഞു.
നടയടയ്ക്കുമെന്ന ശബരിമല തന്ത്രി കണ്ഠരര് രാജീവരുടെ നിലപാടിന് ആയിരങ്ങള് പിന്തുണയുണ്ടാവുമെന്ന തന്റെ ഉറപ്പിന്റെ പിന്ബലത്തിലായിരുന്നു തന്ത്രി പ്രവര്ത്തിച്ചതെന്നും യുവമോര്ച്ചയുടെ സമ്മേളനത്തില് ശ്രീധരന്പിള്ള പറഞ്ഞു. നമ്മള് മുന്നോട്ട് വച്ച അജന്ഡയില് എല്ലാവരും വീണുവെന്നും കൃത്യമായ ആസൂത്രണത്തോടെയുള്ള ബിജെപി പ്ലാനാണ് ശബരിമല പ്രതിഷേധത്തില് നടന്നത്. ഇതൊരു സമസ്യയാണെന്ന് ശ്രീധരന്പിള്ള വ്യക്തമാക്കി. ബിജെപിക്ക് കേരളത്തില് സജീവമാകാനുള്ള സുവര്ണാവസരമാണ് ഇതെന്നും ശ്രീധരന്പിള്ള പറഞ്ഞു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam