സി​പി​എം പ്ര​വ​ര്‍​ത്ത​ക​ന്‍ അ​ഷ​റ​ഫി​ന്‍റെ കൊലപാതകം:  ആറ് ആർഎസ്എസുകാര്‍ക്ക് ജീവപര്യന്തം

തലശേരി: സി​പി​എം പ്ര​വ​ര്‍​ത്ത​ക​ന്‍ പാ​നൂ​ർ താ​ഴ​യി​ല്‍ അ​ഷ​റ​ഫി​നെ ന​ഗ​ര​മ​ധ്യ​ത്തി​ല്‍ വ​ച്ച് വെ​ട്ടി​ക്കൊ​ല​പ്പെ​ടു​ത്തി​യ കേ​സി​ല്‍ ആറ് ആർഎസ്എസ് പ്രവർത്തകർക്ക് കോടതി ജീവപര്യന്തം ശിക്ഷ വിധിച്ചു. പോലീസ് ചുമത്തിയ കുറ്റങ്ങളെല്ലാം പ്രതികൾ ചെയ്തുവെന്നും കുറ്റക്കാരാണെന്നും കണ്ടെത്തി തലശേരി സെഷൻസ് കോടതി ജഡ്ജി ടി.​കെ.​വി​നോ​ദ്കു​മാ​റാണ് ശിക്ഷ വിധിച്ചത്.

ബി​ജെ​പി-​ആ​ര്‍​എ​സ്എ​സ് പ്ര​വ​ര്‍​ത്ത​ക​രാ​യ കു​റ്റേ​രി​യി താ​ഴെ​ക​ണ്ടി സു​ബി​ന്‍, മൊ​കേ​രി​ പു​തി​യോ​ട്ട് അ​നീ​ഷ്, മൊ​കേ​രി​ വ​ലി​യ​പ​റ​മ്പ​ത്ത് രാ​ജീ​വ​ന്‍, തെ​ക്കേ പാ​നൂ​ർ പി.​പി. പു​രു​ഷോ​ത്ത​മ​ന്‍, പ​ന്ന്യ​ന്നൂ​ർ എ​ന്‍.​കെ. രാ​ജേ​ഷ്, പ​ന്ന്യ​ന്നൂ​ർ കെ.​ര​തീ​ശ​ന്‍ എ​ന്നി​വ​രാ​ണ് കേ​സി​ലെ പ്ര​തി​ക​ള്‍. കേ​സി​ല്‍ 22 സാ​ക്ഷി​ക​ളെ​യാ​ണ് വി​സ്ത​രി​ച്ചി​രു​ന്ന​ത്. 34 രേ​ഖ​ക​ളും കൊലപാതകത്തിന് ഉപയോഗിച്ച വാ​ളു​ക​ള്‍ ഉ​ള്‍​പ്പെ​ടെ പത്ത് തൊ​ണ്ടി മു​ത​ലു​ക​ളും പ്രോ​സി​ക്യൂ​ഷ​ന്‍ ഹാ​ജ​രാ​ക്കി​യി​രു​ന്നു.

2002 മേയ് അ​ഞ്ചി​ന് ഉ​ച്ച​ക്ക് 1.45ന് ​പാ​നൂ​ര്‍ ടൗ​ണി​ല്‍ വ​ച്ചാ​ണ് അ​ഷ​റ​ഫ് കൊ​ല്ല​പ്പെ​ട്ട​ത്. പ്രോ​സി​ക്യൂ​ഷ​ന് വേ​ണ്ടി പ​ബ്ലി​ക് പ്രോ​സി​ക്യൂ​ട്ട​ര്‍ ബി.​പി.ശ​ശീ​ന്ദ്ര​നാ​ണ് ഹാ​ജ​രാ​യ​ത്.