വിചാരണ വേളയിൽ നടിയുടെ പേരിന് പകരം എക്സ് എന്ന് രേഖപ്പെടുത്തും

ഹർജിക്കൊപ്പം മുദ്രവച്ച കവറിൽ നൽകിയ പേരും  മേൽവിലാസവും അടക്കമുള്ള വിവരങ്ങൾ സുരക്ഷിതമായി സൂക്ഷിക്കണമെന്ന് കോടതി രജിസ്ട്രിക്ക് നിർദേശം നൽകിയിട്ടുണ്ട്.

കൊച്ചി: നടി ആക്രമിക്കപ്പെട്ട കേസിൽ ഇരയുടെ പേരിന് പകരം X (എക്സ് ) എന്ന് രേഖപ്പെടുത്തിയ നടപടിക്ക് ഹൈക്കോടതിയുടെ അംഗീകാരം.കേസിന്റെ വിചാരണയ്ക്ക് വനിത ജ‍ഡ്ജി വേണമെന്നാവശ്യപ്പെട്ട് കോടതിയെ സമീപിച്ച യുവനടി പേരിന് പകരം എക്സ് എന്നാണ് ഹർജിയിൽ രേഖപ്പെടുത്തിയത്. 

ഹർജിക്കൊപ്പം മുദ്രവച്ച കവറിൽ നൽകിയ പേരും  മേൽവിലാസവും അടക്കമുള്ള വിവരങ്ങൾ സുരക്ഷിതമായി സൂക്ഷിക്കണമെന്ന് കോടതി രജിസ്ട്രിക്ക് നിർദേശം നൽകിയിട്ടുണ്ട്.പീ‍ഡനക്കേസുകളിൽ ഇരകളുടെ പേര് ഹൈക്കോടതിയിൽ നൽകുന്ന ഹർജിയിൽ രേഖപ്പെടുത്താമെങ്കിലും കോടതി രേഖകളിലോ വിധിയിലോ പേരും, ആളെ തിരിച്ചറിയുന്ന വിവരവും ഇല്ല എന്ന് ഉറപ്പാക്കാൻ കോടതി അടുത്തിടെ സർക്കുലർ ഇറക്കിയിരുന്നു. ഹർജിയിൽ പോലും പേര് വയ്ക്കാതെ നൽകിയ നടപടി കൂടുതൽ ഫലപ്രദവും നവീനവുമാണെന്ന് ഹൈക്കോടതി വിലയിരുത്തി.