നരേന്ദ്ര മോദിക്ക്​ നന്ദിയറിയിച്ച്​ ഒബാമ

വാഷിങ്​ടൺ: ഇന്ത്യയും ​അമേരിക്കയും തമ്മിലുള്ള ​ബന്ധം ശക്​തിപ്പെടുത്തുന്നതിനായി ഇന്ത്യന്‍ പ്രധാനമന്ത്രി മോദി നടത്തിയ ഇടപെടലുകൾക്ക്​ നന്ദി അറിയിച്ച് സ്ഥാനമൊഴിയുന്ന അമേരിക്കന്‍ പ്രസിഡന്‍റ് ബാറക്ക് ഒബാമ. ഇരുരാജ്യങ്ങളും തമ്മിലുള്ള ബന്ധം ശക്​തിപ്പെടുത്തുന്നതിൽ നിർണായമായ പങ്ക് വഹിച്ച നരേന്ദ്ര മോദിക്ക്  ഒബാമ നന്ദി പറഞ്ഞു. ബുധനാഴ്​ച മോദിയുമായി സംസാരിച്ചു. മോദിയുമായി ഒബാമ ടെലിഫോണിൽ സംസാരിച്ച വിവരം വൈറ്റ് ഹൗസാണ്​ പുറത്ത്​ വിട്ടത്​.

പ്രതിരോധം, ആണവസഹകരണം എന്നീ മേഖലകളിലെ സഹകരണത്തിനും​ ​മോദിയോട്​ ഒബാമ നന്ദി പറഞ്ഞു. സാമ്പത്തിക മേഖല, രാജ്യസുരക്ഷ, കാലാവസ്​ഥ വ്യതിയാനം എന്നീ കാര്യങ്ങളെ കുറിച്ചും ഇരു രാജ്യങ്ങളും തമ്മിലുള്ള സഹകരണത്തെ കുറിച്ചും ഇരു നേതാക്കളും സംസാരിച്ചു.

2014 മെയില്‍ മോദിയെ ഇന്ത്യന്‍ പ്രധാനമ​ന്ത്രിയായി തെരഞ്ഞെടുത്തപ്പോൾ അഭിനന്ദനമറിയിച്ച പ്രമുഖ ലോകനേതാക്കളിൽ ഒരാളായിരുന്നു ഒബാമ. അതേവര്‍ഷം സെപ്തംബറിലാണ് വൈറ്റ് ഹൗസില്‍ ഇരുവരം നേരില്‍ കണ്ട്ത. ഇക്കാലയളവിൽ അമേരിക്കയും ഇന്ത്യയും തമ്മിലുള്ള ബന്ധം സൗഹാർദപരമായിരുന്നു. ടൈം മാസികയുടെ പേഴ്​സൺ ഓഫ്​ ദ ഇയർ പട്ടികയിൽ മോദി ഇടം പിടിച്ചപ്പോഴും അഭിനന്ദനമറിയിച്ച്​ ഒബാമ മോദിയെ വിളിച്ചിരുന്നു.

ഇന്ത്യയുടെയും അമേരിക്കയുടെയും രണ്ട് നേതാക്കള്‍ക്കിടയില്‍ ആദ്യമായിട്ടാണ് ഇത്രയും ഊഷ്മളമായ സൗഹൃദം ഉടലെടുക്കുന്നത്. അങ്ങനെ ചരിത്രത്തില്‍ ഇടംപിടിക്കുകയാണ് ഇരുവരുടെയും സൗഹൃദം.