ബെന്നി ബെഹന്നാനെ യുഡിഫ് കണ്‍വീനറായി നിയമിച്ചു

ഉമ്മന്‍ചാണ്ടിയുടെ വിശ്വസ്തനും എ ഗ്രൂപ്പിലെ പ്രധാനിയുമാണ് ബെന്നി ബെഹന്നാന്‍

തിരുവനന്തപുരം: കെപിസിസിയിലുണ്ടായ അഴിച്ചു പണിക്ക് പിന്നാലെ യുഡിഎഫ് നേതൃത്വത്തിലും മാറ്റം. യുഡിഎഫ് കണ്‍വീനറായി പി.പി.തങ്കച്ചന് പകരം ബെന്നി ബെഹന്നാനെ നിയമിച്ചു. കെപിസിസി നേതൃത്വത്തിലുണ്ടായ അഴിച്ചു പണിയില്‍എ  ഗ്രൂപ്പിനുണ്ടായ അതൃപ്തി പരിഹരിക്കുക എന്ന ലക്ഷ്യത്തോടെയാണ് ഉമ്മന്‍ചാണ്ടിയുടെ വിശ്വസ്തനായ ബെന്നി ബെഹന്നാനെ യുഡിഎഫിന്‍റെ കണ്‍വീനറായി നിയമിച്ചത്. കഴിഞ്ഞ 13 വര്‍ഷമായി പി.പി.തങ്കച്ചനായിരുന്നു യുഡിഎഫ് കണ്‍വീനര്‍സ്ഥാനം വഹിച്ചിരുന്നത്.