രാഹുലിനെതിരെ അവകാശലംഘന നോട്ടീസ് നല്‍കാന്‍ ബിജെപി

രാഹുലിനെതിരെ അവകാശലംഘന നോട്ടീസ് നല്‍കുമെന്ന് ബിജെപി

ദില്ലി: രാഹുലിനെതിരെ അവകാശലംഘന നോട്ടീസ് നല്‍കാൻ ബിജെപി തീരുമാനം. അവിശ്വാസ പ്രമേയത്തിനെടെ രാഹുല്‍ ഗാന്ധി ലോക്സഭയില്‍ നടത്തിയത് അസത്യ പ്രചാരണമെന്ന് ചൂണ്ടിക്കാട്ടിയാവും നോട്ടീസ് നല്‍കുക.

റാഫേല്‍ ഇടപാടില്‍ പ്രധാനമന്ത്രിയും പ്രതിരോധമന്ത്രിയും രാജ്യത്തോട് തെറ്റിദ്ധരിപ്പിച്ചുവെന്നും തെരഞ്ഞെടുപ്പില്‍ മോദി ഉപയോഗിച്ചത് റാഫേല്‍ അഴിമതി പണമാണെന്നും രാഹുല്‍ ആരോപിച്ചിരുന്നു. 

യാതൊരു തെളിവുകളുമില്ലാതെ ആരോപണങ്ങള്‍ ഉന്നയിക്കരുതെന്ന് പറഞ്ഞ് രാഹുൽ ഗാന്ധിയുടെ പ്രസംഗം  ബിജെപി തടസപ്പെടുത്തുകയായിരുന്നു. തെളിവുകള്‍ ഇല്ലാതെ ആരോപണം ഉന്നയിക്കരുതെന്ന് ആവശ്യപ്പെട്ട് ഭരണപക്ഷ എംപിമാര്‍ ബഹളം വച്ചതോടെ കുറച്ചു നേരത്തേക്ക് സഭ നിര്‍ത്തിവച്ചു.

അവിശ്വാസ പ്രമേയത്തിനിടെ തെളിവുകളില്ലാതെ രാഹുല്‍ നടത്തിയ ആരോപണങ്ങള്‍ അവകാശ ലംഘനമാണെന്നാണ് ബിജെപിയുടെ വാദം. ഇതു സംബന്ധിച്ചാണ് ഇവര്‍ നോട്ടീസ് നല്‍കുക.