ലോക്സഭാ തെരഞ്ഞെടുപ്പിന്റെ ബിജെപി സ്ഥാനാര്ത്ഥി പട്ടിക നേരത്തെ നല്കണമെന്ന് കേന്ദ്ര നേതൃത്വം
Synopsis
ദേശീയ സമ്മേളനത്തിന്റെ ആവേശവുമായി ലോക്സഭാ തെരഞ്ഞെടുപ്പിലേക്കിറങ്ങാനാണ് ടീം കുമ്മനത്തിന് അമിത്ഷായുടെ നിര്ദ്ദേശം. പാര്ട്ടിക്ക് ഏറ്റവും സ്വാധീനമുള്ള മണ്ഡലങ്ങള്, പ്രവര്ത്തനങ്ങളിലൂടെയും പുതിയ സഖ്യങ്ങളിലൂടെയും ജയസാധ്യതയുള്ള സീറ്റുകള് എന്നിങ്ങനെ പട്ടിക തിരിച്ച് നല്കണം. ഓരോ മണ്ഡലങ്ങളിലേക്കുമുള്ള സ്ഥാനാര്ത്ഥികളുടെ പാനല് നേരത്തെ വേണം. മുതിര്ന്ന നേതാക്കള് രംഗത്തിറങ്ങുന്നതിനൊപ്പം രാഷ്ട്രീയത്തിനപ്പുറത്ത് ജനപ്രിയരായ വ്യക്തികളെയും പരിഗണിക്കുമെന്നാണ് ആവശ്യം. സ്ഥാനാര്ത്ഥികളെ കേന്ദ്രം നേരത്തെ പ്രഖ്യാപിക്കും. മണ്ഡലം കേന്ദ്രീകരിച്ചുള്ള ഇവരുടെ പ്രവര്ത്തനവും നേരത്തെ തുടങ്ങണമെന്നാണ് നിര്ദ്ദേശം. ഉത്തരേന്ത്യയില് പലയിടത്തും സിറ്റിങ് സീറ്റുകള് നഷ്ടമാകാനിടയുള്ളതിനാല് ദക്ഷിണേന്ത്യയില് മുന്നേറ്റം അത്യാവശ്യമാണെന്നാണ് ഷാ വ്യക്തമാക്കിയത്. 12 സീറ്റെന്ന കുമ്മനത്തിനുള്ള ലക്ഷ്യത്തില് വിട്ടുവീഴ്ചയില്ല. ദക്ഷിണേന്ത്യന് സംസ്ഥാനങ്ങളുടെ ഗ്രൂപ്പ് ചര്ച്ചയില് കേരളത്തില് പാര്ട്ടി പ്രവര്ത്തനം വ്യക്തി കേന്ദ്രിതമാണെന്ന് ദേശീയ നേതൃത്വം വിമര്ശിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam