
ദില്ലി: മുഹമ്മദ് അലി ജിന്ന മഹാപുരുഷനെന്ന് ബിജെപി എംപി സാവിത്രി ബായ് ഫൂലേ. അലിഗഡ് മുസ്ലീം യൂണിവേഴ്സിറ്റിയിലെ മുഹമ്മദ് അലി ജിന്നയുടെ ഛായാചിത്രം വിവാദമായ സമയത്താണ് ബിജെപി എംപിയുടെ പ്രതികരണം. ഉത്തര്പ്രദേശിലെ ബഹ്റാച്ചില് നിന്നുള്ള ബിജെപി എംപിയാണ് സാവിത്രി ബായ് ഫൂലേ. ജിന്ന മഹാനാണെന്നും സ്വാതന്ത്ര്യസമരത്തിന് നിരവധി സംഭാവനകള് ജിന്ന നല്കിയിരുന്നതായും സാവിത്രി ബായ് ഫൂലേ പറഞ്ഞതായ് എഎന്ഐ പറഞ്ഞു.
ജിന്ന മഹാപുരുഷനാണെന്ന് ഉത്തര്പ്രദേശ് മന്ത്രിമാരിലൊരാളായ സ്വാമി പ്രസാദ് മൗര്യയും പറഞ്ഞു. രാജ്യത്തിന്റെ സ്ഥാപനത്തിനായി സംഭാവനകള് നല്കിയ നേതാക്കള്ക്കെതിരെ വിരല് ചൂണ്ടുന്നത് ശരിയല്ലെന്നാണ് സ്വാമി പ്രസാദ് മൗര്യ പറഞ്ഞത്. യൂണിവേഴ്സിറ്റിയില് ജിന്നയുടെ ചിത്രം തൂക്കിയതിന് ബിജെപി എംപി സതീഷ് ഗൗതം വൈസ് ചാന്സലറിനോട് വിശദീകരണം ചോദിച്ചതിന് പിന്നാലെയാണ് സാവിത്രി ബായ് ഫൂലേയുടെയും സ്വാമി പ്രസാദ് മൗര്യയുടെയും പ്രതികരണം.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam