മന്ത്രവാദത്തിന്റെ മറവില് ദലിത് യുവതിയെ പീഡിപ്പിച്ച വ്യാജ സിദ്ധന് അറസ്റ്റില്
Synopsis
തൃശൂര്: മന്ത്രവാദത്തിന്റെ മറവില് ദലിത് യുവതിയെ പീഡിപ്പിച്ച കേസില് വ്യാജ സിദ്ധന് അറസ്റ്റിലായി.തൃശൂര് വടക്കേക്കാട് പനന്തറ സ്വദേശി ദിനേശ് കുമാറിനെയാണ് ചങ്ങരംകുളം പൊലീസ് അറസ്റ്റ് ചെയ്തത്. മലപ്പുറം ചങ്ങരംകുളം സ്വദേശിയായ ദലിത് യുവതിയുടെ പരാതിയിലാണ് ദിനേശ്കുമാറിനെ പൊലീസ് അറസ്റ്റ് ചെയ്തത്.ഒരു വര്ഷം മുമ്പാണ് പരാതിക്കടിസ്ഥാനമായ സംഭവം നടന്നത്.
ദിനേശ് കുമാര് പൂജാരിയായ വടക്കേക്കാട്ട് ക്ഷേത്രത്തില് യുവതി പ്രാര്ത്ഥിക്കാനായി പോയിരുന്നു.യുവതിയുമായി സൗഹൃദത്തിലായ ദിനേശ്കുമാര് അവര്ക്ക് പ്രേതബാധയുണ്ടെന്നും ഒഴിപ്പിച്ചുതരാമെന്നും വാക്കുനല്കി.ഇതിന്റെ ഭാഗമായി ഇയാള് നാലു തവണ യുവതിയുടെ വീട്ടിലെത്തി.
രണ്ടു തവണ യുവതിയെ ലൈംഗികമായി പീഡിപ്പിച്ചു.എല്ലാം ചികിത്സയുടെ ഭാഗമാണെന്നും പുറത്തുപറഞ്ഞാല് ഫലം ഉണ്ടാകില്ലെന്നും യുവതിയെ തെറ്റിദ്ധരിപ്പിച്ചു. പൊന്നാനി കോടതിയില് ഹാജരാക്കിയെ പ്രതിയെ പതിനാല് ദിവസത്തേക്ക് റിമാന്റ് ചെയ്തു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam