ഹര്‍ത്താലിന് ബസ് ഓടും, ഹോട്ടലുകളും കടകളും തുറക്കും

തിരുവനന്തപുരം: ദളിത് ഐക്യ വേദി തിങ്കളാഴച  നടത്താനിരിക്കുന്ന  ഹാർത്താലുമായി സഹകരിക്കില്ലെന്ന് കേരള ഹോട്ടൽ ആന്‍റ് റസ്റ്റോറന്‍റ് അസോസിയേഷനും അറിയിച്ചു.

തിങ്കളാഴ്ച ഹോട്ടലുകൾ പ്രവർത്തിക്കുമെന്നും ഹർത്താലിൽ നിന്ന് ഹോട്ടൽ മേഖലയെ ഒഴിവാക്കണമെന്നും സംഘടന ആവശ്യപ്പെട്ടു.  അതേസമയം തിങ്കളാഴ്ച കടകൾ തുറന്ന് പ്രവർത്തിപ്പിക്കുമെന്ന് വ്യാപാരി വ്യവസായി ഏകോപനസമിതി പ്രസിഡന്‍റ് ടി നസിറുദ്ദീനും വ്യക്തമാക്കി.

ഹർത്താലിൽ പങ്കെടുക്കില്ലെന്ന് ബസ് ഓപ്പറേറ്റേഴ്സ് ഫെഡറേഷൻ സംസ്ഥാന കമ്മിറ്റി നേരത്തെ അറിയിച്ചിരുന്നു.ഹർത്താൽ ദിവസം മുഴുവൻ സ്വകാര്യ ബസുടുമകളും അവരുടെ ബസുകൾ സർവീസ് നടത്തുമെന്നുമാണ് സംസ്ഥാന സെക്രട്ടറി ലോറൻ ബാബു അറിയിച്ചിരിക്കുന്നത്..