പീഡനക്കേസില് പെട്ട നേതാവിനെ രക്ഷിക്കാന് ശ്രമിച്ച ഐഎന്ടിയുസി ട്രഷറർക്കെതിരെ കേസ്
Synopsis
ഒ എം ജോര്ജ്ജിനെ രക്ഷിക്കാന് ഐഎന്ടിയുസി ജില്ലാ ട്രഷറര് കൂടിയായ ഉമ്മര് കോണ്ടോട്ടില് പണം വാഗ്ദാനം ചെയ്യതുവെന്ന് പെണ്കുട്ടിയുടെ മാതാപിതാക്കള് തുടക്കത്തില് തന്നെ പൊലിസിനെ അറിയിച്ചതാണ്. പ്രാദേശിക കോണ്ഗ്രസ് നേതാവായ മൊയ്തുവിന്റെ വിട്ടിലേക്ക് വിളിച്ചുവരുത്തിയായിരുന്നു വാഗ്ദാനം. എന്നാല് അന്വേഷണ ഉദ്യോഗസ്ഥര് മൗനം പാലിച്ചു
കല്പ്പറ്റ: വയനാട് പീഡന പരാതി ഇല്ലാതാക്കാന് പണം വാഗ്ദാനം ചെയ്ത ഐ എന് ടി യു സി ജില്ലാ ട്രഷറർ ഉമ്മർ കോണ്ടോട്ടിലിനെതിരെ കേസെടുത്ത് അന്വേഷണം തുടങ്ങി. ഉമ്മറുമായി ഒത്തുകളിക്കുന്നതിനാല് അന്വേഷണ ഉദ്യോഗസ്ഥനെ മാറ്റണമെന്ന ആവശ്യവുമായി പെൺകുട്ടിയുടെ മാതാപിതാക്കള് മുഖ്യമന്ത്രിയെ സമീപിച്ചതിനെ തുടര്ന്നാണ് നടപടി.
ഒ എം ജോര്ജ്ജിനെ രക്ഷിക്കാന് ഐഎന്ടിയുസി ജില്ലാ ട്രഷറര് കൂടിയായ ഉമ്മര് കോണ്ടോട്ടില് പണം വാഗ്ദാനം ചെയ്യതുവെന്ന് പെണ്കുട്ടിയുടെ മാതാപിതാക്കള് തുടക്കത്തില് തന്നെ പൊലിസിനെ അറിയിച്ചതാണ്. പ്രാദേശിക കോണ്ഗ്രസ് നേതാവായ മൊയ്തുവിന്റെ വിട്ടിലേക്ക് വിളിച്ചുവരുത്തിയായിരുന്നു വാഗ്ദാനം. എന്നാല് അന്വേഷണ ഉദ്യോഗസ്ഥര് മൗനം പാലിച്ചു. ജോര്ജ്ജ് കീഴടങ്ങിയിട്ടും നടപടി ഇല്ലാതെ വന്നതോടെ പെണ്കുട്ടിയുടെ മാതാപിതാക്കള് മുഖ്യമന്ത്രിക്ക് പരാതി നല്കി. ഒത്തുകളിക്കുന്നതിനാല് അന്വേഷണ ഉദ്യഗസ്ഥനെ മാറ്റി എസ് പി റാങ്കിലുള്ള വനിതാ ഉദ്യോഗസ്ഥയെ ഏല്പ്പിക്കണമെന്നായിരുന്നു ആവശ്യം. ഇതിനോടുവിലാണ് പൊലീസ് കേസെടുക്കാന് തയാറായത്.
അന്വേഷണ ഉദ്യോഗസ്ഥര് പെണ്കുട്ടിയുടെ മാതാപിതാക്കളില് നിന്നും വിണ്ടും മൊഴിയെടുത്ത ശേഷം മൊയ്തുവിന്റെ വീട്ടില് കോണ്ടുപോയി തെളിവുകള് ശേഖരിച്ചു.കേസെടുത്തതോടെ ഒളുവില് പോയ ഉമ്മറിനുവേണ്ടി തിരച്ചില് തുടങ്ങിയിട്ടുണ്ട്. പുതിയ സാഹചര്യത്തില് ഒഎം ജോര്ജിനെ വീണ്ടും കസ്റ്റഡിയില് വാങ്ങാനാണ് തീരുമാനം. ഇതിനായി മാനന്തവാടി കോടതിയില് അപേക്ഷ നല്കും.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam