കമ്മീഷണർ ഓഫീസിലേക്ക് മാർച്ച് നടത്തി; എ.എന് രാധാകൃഷ്ണൻ ഉൾപ്പെടെ 40 പേര്ക്കെതിരെ കേസ്
Synopsis
തൃശൂർ സിറ്റി പൊലീസ് കമ്മീഷണർ ഓഫീസിലേക്ക് മാർച്ച് നടത്തിയ ബിജെപി സംസ്ഥാന ജനറൽ സെക്രട്ടറി എ. എന്. രാധാകൃഷ്ണൻ, ജില്ലാ പ്രസിഡന്റ് എ. നാഗേഷ് ഉൾപ്പെടെ 40 പേർക്കെതിരെ പോലീസ് കേസെടുത്തു.
തൃശൂർ: തൃശൂർ സിറ്റി പൊലീസ് കമ്മീഷണർ ഓഫീസിലേക്ക് മാർച്ച് നടത്തിയ ബിജെപി സംസ്ഥാന ജനറൽ സെക്രട്ടറി എ. എന്. രാധാകൃഷ്ണൻ, ജില്ലാ പ്രസിഡന്റ് എ. നാഗേഷ് ഉൾപ്പെടെ 40 പേർക്കെതിരെ പോലീസ് കേസെടുത്തു.
സംഘം ചേരൽ, കലാപ ശ്രമം, ഗതാഗതം തടസപ്പെടുത്തൽ എന്നീ വകുപ്പുകൾ ചേർത്താണ് കേസെടുത്തിരിക്കുന്നത്. സിറ്റി പൊലീസ് കമ്മീഷണർ യതീഷ് ചന്ദ്രക്ക് എതിരെ നടപടി ആവശ്യപ്പെട്ടായിരുന്നു മാർച്ച്. തൃശൂർ മണികണ്ഠനാലിൽ നിന്ന് ആരംഭിച്ച മാർച്ച് കമ്മീഷണർ ഓഫീസ് പരിസരത്ത് വച്ച് പൊലീസ് തടഞ്ഞു.
അതേസമയം, എസ് പി യതീഷ് ചന്ദ്ര ജൻമനാ ക്രിമിനലെന്ന് എ എന് രാധാകൃഷ്ണന് പറഞ്ഞു. കേന്ദ്രമന്ത്രി യതീഷിനോട് സംസാരിച്ചത് വളരെ സൗമ്യമായി ആയിരുന്നുവെന്ന് എ എന് രാധാകൃഷ്ണന് തൃശൂരില് പറഞ്ഞു.
ക്രിമിനൽ പൊലീസുകാരാണ് ശബരിമല നയിക്കുന്നത്. ശബരിമലയിൽ പിണറായി സൃഷ്ടിച്ചത് ശ്മശാന മൂകതയാണെന്നും രാധാകൃഷ്ണന് പറഞ്ഞു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam