ശ്രീനഗര്‍: പ്രധാനമന്ത്രി നരേന്ദ്ര മോദി നാളെ ജമ്മു കശ്മീർ സന്ദർശിക്കാനിരിക്കെ അതിർത്തിയിൽ വീണ്ടും പാക്ക് സൈന്യം വെടിനിർത്തൽ കരാർ ലംഘിച്ചു. ആർഎസ് പുര, അർണിയ സെക്ടറുകളിൽ പാക്കിസ്ഥാൻ സൈന്യം നടത്തിയ വെടിവയ്പ്പിൽ ഒരു ബിഎസ്എഫ് ജവാനും നാല് പ്രദേശവാസികളും കൊല്ലപ്പെട്ടു. ഒരു ബിഎസ്എഫ് ഉദ്യോഗസ്ഥന് ഗുരുതരമായി പരിക്കേറ്റു.
റംസാൻ കണക്കിലെടുത്ത് കേന്ദ്ര ആഭ്യന്തര മന്ത്രാലയം വെടിനിർത്തലിന് നിർദേശം നൽകിയിരുന്നു. ഇതിന് പിന്നാലെയാണ് വീണ്ടും പാകിസ്ഥാൻ പ്രകോപനം. രണ്ട് ആഴ്ചക്കിടെ മൂന്നാം തവണയാണ് അതിർത്തിയിൽ പാകിസ്ഥാൻ വെടിയുതിർക്കുന്നത്.