മുതിർന്ന ബിജെപി നേതാവ് ചന്ദൻ മിത്ര തൃണമൂൽ കോൺ​ഗ്രസിലേക്ക്

തൃണമൂൽ കോൺ‌​ഗ്രസിന്റെ തൊപ്പിയിലെ പൊൻതൂവലായിരിക്കും ചന്ദൻ മിത്ര ഇപ്പോൾ അദ്ദേഹം ദില്ലിയിലെ പയനിയർ പത്രത്തിന്റെ എഡിറ്ററാണ്

കൊൽക്കത്ത: മുതർന്ന ബിജെപി നേതാവും രണ്ട് തവണ രാജ്യസഭാ നിയമോപദേഷ്ടാവുമായിരുന്നു ചന്ദൻ മിത്ര ബിജെപിയിൽ നിന്ന് രാജി വച്ചു. തൃണമൂൽ കോൺ​​ഗ്രസിൽ ചേരാനുള്ള ഒരുക്കത്തിലാണ് ചന്ദൻ മിത്ര എന്ന് അഭ്യൂഹമുണ്ട്. കൊൽക്കത്തയിൽ തൃണമൂൽ കോൺ​ഗ്രസിന്റെ റാലി സംഘടിപ്പിക്കാനുള്ള ഒരുക്കത്തിലാണ് പശ്ചിന ബം​ഗാൾ മുഖ്യമന്ത്രി മമതാ ബാനർജി. കൊൽക്കത്തയുടെ ഹൃദയഭാ​ഗമായ വിക്ടോറിയ ഹൗസിനേ സമീപത്തായി 1993 ൽ നടന്ന വെടിവയ്പ്പിന്റെ ഓർമ്മയ്ക്കായിട്ടാണ് റാലി സംഘടിപ്പിച്ചിരിക്കുന്നത്. ഈ അവസരത്തിൽ ചന്ദൻ മിത്രയുടെ വരവ് തൃണമൂൽ കോൺ​ഗ്രസിന് ​ഗുണകരമായി ഭവിക്കാമെന്ന് രാഷ്ട്രീയ വൃത്താന്തങ്ങൾ പറയുന്നു. 

മാധ്യമപ്രവർത്തകനായിട്ടാണ് ചന്ദന്‌ മിത്ര തന്റെ ഔദ്യോ​ഗിക ജീവിതം ആരംഭിച്ചത്. ഇപ്പോൾ അദ്ദേഹം ദില്ലിയിലെ പയനിയർ പത്രത്തിന്റെ എഡിറ്ററാണ്. തൃണമൂൽ കോൺ​ഗ്രസ്സ് നേതാക്കളുമായി ഇദ്ദേഹം കൂടിക്കാഴ്ച നടത്തിയിരുന്നു. കൂടുതൽ പേർ പാർട്ടിയിലേക്കെത്തുമെന്നാണ് പ്രതീക്ഷയെന്ന് പാർട്ടി പ്രതീക്ഷ പ്രകടിപ്പിക്കുന്നു. എന്തായാലും തൃണമൂൽ കോൺ‌​ഗ്രസിന്റെ തൊപ്പിയിലെ പൊൻതൂവലായിരിക്കും ചന്ദൻ മിത്ര എന്ന് രാഷ്ട്രീയ വൃത്താന്തങ്ങൾ പറയുന്നു. ബിജെപിയിലെ നരേന്ദ്ര മോദി- അമിത്ഷാ കൂട്ടുകെട്ടിൽ ചന്ദൻ മിത്ര അസ്വസ്ഥനായതാണ് രാജിക്ക് കാരണമായതെന്നാണ് അഭ്യൂഹങ്ങൾ. തന്റെ രാജിക്കത്തിലും അദ്ദേഹം ഇത് വ്യക്തമാക്കിയിട്ടുണ്ട്.