കോടതികളിലെ മാധ്യമവിലക്ക് നീക്കാന് ഇടപെടുമെന്ന് ചീഫ് ജസ്റ്റിസ് ടി എസ് ഠാക്കൂര്
Synopsis
കേരളത്തിലെ കോടതികളില് മാധ്യമപ്രവര്ത്തകര് നേരിടുന്ന വിലക്കും അതിനെത്തുടര്ന്നുണ്ടായ പ്രശ്നങ്ങളും മാധ്യമ ഉടമകളുടെ പ്രതിനിധികള് സുപ്രീം കോടതി ചീഫ് ജസ്റ്റിസ് ടിഎസ് ഠാക്കൂറിന്റെ ശ്രദ്ധയില്പ്പെടുത്തി. കേരളത്തിലെ കോടതികളില് നിലനില്ക്കുന്ന മാധ്യ വിലക്കും പ്രശ്നങ്ങളും ബോധ്യപ്പെട്ടെന്നും ഇക്കാര്യങ്ങളില് ഉടന് പ്രശ്ന പരിഹാരത്തിന് വേണ്ടി ശ്രമിക്കുമെന്നും ചീഫ് ജസ്റ്റിസ് ടിഎസ് ഠാക്കൂര് മാധ്യമ ഉടമകളുടെ പ്രതിനിധികളോട് പറഞ്ഞു. ഇതുമായി ബന്ധപ്പെട്ട് കേരളാ ഹൈക്കോടതി ചീഫ് ജസ്റ്റിസ്സുമായി ഉടന് ചര്ച്ച നടത്തുമെന്നും ചീഫ് ജസ്റ്റിസ് അറിയിച്ചു.
അതേസമയം കോടതികളിലെ മാധ്യമ വിലക്ക് നീക്കണമെന്നാവശ്യപ്പെട്ട് കേരള പത്രപ്രവര്ത്തക യൂണിയന് സമര്പ്പിച്ച ഹര്ജി പരിഗണിക്കുന്നത് സുപ്രീം കോടതി ഈ മാസം 21ലേക്ക് മാറ്റി. പ്രശ്നപരിഹാരത്തിന് തടസ്സം നില്ക്കുന്ന തരത്തിലുള്ള സ്ഥിതിവിശേഷമാണ് കേരളാ ഹൈക്കോടതിയില് നിലനില്ക്കുന്നതെന്ന് പത്രപ്രവര്ത്തക യൂണിയന് കോടതിയെ ബോധിപ്പിച്ചു ഇതിനെത്തുടര്ന്നാണ് ചീഫ് ജസ്റ്റിസ് കേസ് പരിഗണിക്കുന്നത് 21ലേക്ക് മാറ്റിയത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam