ചൈനീസ് പ്രസിഡന്റിനെ സന്ദര്ശിക്കാന് ആഗ്രഹമുണ്ടെന്ന് കിം ജോങ് ഉന്
Synopsis
ചൈനീസ് പ്രസിഡന്റ് ഷീ ജിന് പിങിനെ സന്ദര്ശിക്കാന് തനിക്ക് ആഗ്രഹമുണ്ടെന്ന് ഉത്തര കൊറിയന് ഭരണാധികാരി കിം ജോംങ് ഉന്. ഉത്തര കൊറിയ രൂപീകൃതമായതിന്റെ 70-ാം വാര്ഷികത്തില് അതിഥിയായെത്തിയ ചൈനീസ് പ്രതിനിധി ലീ സഹന്ഷുവിന്റെ കയ്യില് ഷി ജിന് പിങ് കൊടുത്തുവിട്ട കത്തിന്റെ മറുപടിയായാണ് ഉന്നിന്റെ ആഗ്രഹ പ്രകടനം.
പ്യോങ്യാങ്: ചൈനീസ് പ്രസിഡന്റ് ഷീ ജിന് പിങിനെ സന്ദര്ശിക്കാന് തനിക്ക് ആഗ്രഹമുണ്ടെന്ന് ഉത്തര കൊറിയന് ഭരണാധികാരി കിം ജോംങ് ഉന്. ഉത്തര കൊറിയ രൂപീകൃതമായതിന്റെ 70-ാം വാര്ഷികത്തില് അതിഥിയായെത്തിയ ചൈനീസ് പ്രതിനിധി ലീ സഹന്ഷുവിന്റെ കയ്യില് ഷി ജിന് പിങ് കൊടുത്തുവിട്ട കത്തിന്റെ മറുപടിയായാണ് ഉന്നിന്റെ ആഗ്രഹ പ്രകടനം.
ചൈനയുമായുള്ള സഹകരണം സാമ്പത്തിക സാമൂക ബന്ധങ്ങള് മെച്ചപ്പെടുത്തണമെന്ന് ഷി ജിന് തന്റെ കത്തില് ആഗ്രഹം പ്രകടിപ്പിച്ചിരുന്നു. ഇതിന്റെ തുടര്ച്ചയായാണ് ഷി ജിങ് പിങ്ങിനെ കാണാന് കിം ആഗ്രഹം പ്രകടിപ്പിച്ചത്.
ചൈനീസ് പ്രതിനിധി ലീ സഹന്ഷുവിനോടാണ് കത്തിന് മറുപടിയെന്നോണം കിം തന്റെ ആഗ്രഹം അറിയിച്ചത്. കൊറിയന് സെന്ട്രല് ന്യൂസ് ഏജന്സിയും ചൈനീസ് മാധ്യമങ്ങളും ഇക്കാര്യം റിപ്പോര്ട്ട് ചെയ്യുന്നുണ്ട്. ഒരു തവണ കൂടി ഷീയുമായി കൂടിക്കാഴ്ച നടത്തിയാല് ഇരു രാജ്യങ്ങളും തമ്മിലുള്ള ബന്ധം ഊഷ്മളമായി നിലനിര്ത്താനാകും, ഇക്കാര്യം തനിക്കുറപ്പുണ്ടെന്നും കിം അറിയിച്ചതായാണ് റിപ്പോര്ട്ട്.
ഇന്ത്യയിലെയും ലോകമെമ്പാടുമുള്ള എല്ലാ International News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam Live News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam