മഹാരാഷ്ട്രയിൽ ബാഗിനുള്ളിൽ വെട്ടിനുറുക്കിയ നിലയിൽ കുട്ടിയുടെ മൃതദേഹം കണ്ടെത്തി

കൊലപാതകം, തെളിവ് നശിപ്പിക്കൽ എന്നീ വകുപ്പുകൾ ചേർത്താണ് പൊലീസ് കേസന്വേഷണം  ആരംഭിച്ചിരിക്കുന്നത്.

താനെ: ബാഗിനുള്ളിൽ വെട്ടിനുറുക്കിയ നിലയിൽ കുട്ടിയുടെ മൃതദേഹം കണ്ടെത്തി. മഹാരാഷ്ട്രയിലെ തിത്‍വാലക്ക് സമീപമുള്ള റെയിൽവേ ട്രാക്കിലാണ് പ്ലാസ്റ്റിക് ബാഗിൽ ഉപേക്ഷിച്ച നിലയിൽ അഴുകിയ ശരീരഭാഗങ്ങൾ കണ്ടെത്തിയത്.10നും 12നും ഇടയിൽ പ്രായമുള്ള കുട്ടിയുടെ മൃതദേഹമാണിതെന്നാണ് പൊലീസിന്റെ നി​ഗമനം. 

കൊലപാതകം, തെളിവ് നശിപ്പിക്കൽ എന്നീ വകുപ്പുകൾ ചേർത്താണ് പൊലീസ് കേസന്വേഷണം  ആരംഭിച്ചിരിക്കുന്നത്. കുട്ടിയെ കൊലപ്പെടുത്തിയ ശേഷം വെട്ടിനുറുക്കി ബാഗിനുള്ളിലാക്കി ട്രെയിനിൽ നിന്ന് വലിച്ചെറിഞ്ഞതാകാമെന്ന് പോലീസ് പറഞ്ഞു.