അസീസിയ മെഡിക്കല് കോളേജ് അധികൃതരും ഡിവൈഎഫ്ഐ പ്രവര്ത്തകരും നടുറോഡില് തമ്മില്ത്തല്ലി
Synopsis
അസീസിയെ മെഡിക്കല് കോളേജിലെ സെക്യൂരിറ്റി ജീവനക്കാരുടെ ശമ്പളം വര്ദ്ദിപ്പക്കണമെന്നാവശ്യപ്പെട്ട് ഡി.വൈ.എഫ്.ഐ പ്രവര്ത്തകര് കുറച്ച് നാളായി സമരം നടത്തി വരുകയായിരുന്നു. ഇതുമായി ബന്ധപ്പെട്ട് ഇന്നലെ രാത്രി ഡി.വൈ.എഫ്.ഐ പ്രവര്ത്തകര് പോസ്റ്ററൊട്ടിക്കാന് അസീസിയ മെഡിക്കല് കോളേജ് ചെയര്മാന്റെ വീടിന് മുന്നിലെത്തി. വീടിന് മുന്നില് പോസ്റ്ററൊട്ടിക്കരുതെന്ന് അസീസിയയിലെ ജീവനക്കാര് ആവശ്യപ്പെട്ടു. ഡി.വൈ.എഫ്.ഐ പ്രവര്ത്തകര് അത് ചെവിക്കൊണ്ടില്ല. തുടര്ന്നായിരുന്നു സംഘര്ഷം. ചെയര്മാന് അബ്ദുള് അസീസ്, ഭാര്യ മക്കള് എന്നിവര്ക്ക് മര്ദ്ദനമേറ്റു. സംഭവസമയം വീടിനകത്തുണ്ടായിരുന്ന അസീസിയെ മെഡിക്കല് കോളേജിലെ ചില ജീവനക്കാര് ഡി.വൈ.എഫ്.ഐ പ്രവര്ത്തകരെ തിരിച്ചടിച്ചു. തടിക്കഷണം ഉപയോഗിച്ച് ഡി.വൈ.എഫ്.ഐ പ്രവര്ത്തകരെ മര്ദ്ദിച്ചു. നാല് ഡി.വൈ.എഫ്.ഐ പ്രവര്ത്തകര്ക്ക് പരിക്കേറ്റു. ഇവര് കൊല്ലം ജില്ലാ ആശുപത്രിയില് ചികിത്സയിലാണ്. സംഭവത്തില് കൊല്ലം ഈസ്റ്റ് പൊലീസ് കേസ് രജിസ്റ്റര് ചെയ്ത് അന്വേഷണം ആരംഭിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam