പുനലൂർ പോളിടെക്നിക്കിലെ വിദ്യാർത്ഥിക്കെതിരെ മോർഫിം​ഗ് പരാതി, അധ്യാപകരുടെയും വിദ്യാർത്ഥിനികളുടെയും ചിത്രങ്ങൾ പ്രചരിപ്പിച്ചു

അതുപോലെ തന്നെ ഒരു വിദ്യാർത്ഥിനിയും പുനലൂർ പൊലീസിൽ പരാതി നൽകിയിട്ടുണ്ട്. ടെല​ഗ്രാം ​ഗ്രൂപ്പുകൾ വഴി ചിത്രങ്ങൾ പ്രചരിപ്പിച്ചുവെന്നാണ് വിദ്യാർത്ഥിനി പറയുന്നത്. സംഭവത്തിൽ പുനലൂർ പൊലീസ് അന്വേഷണം തുടരുകയാണ്.

കൊല്ലം: കൊല്ലം പുനലൂർ പോളിടെക്നിക്കിലെ വിദ്യാർത്ഥിക്കെതിരെ മോർഫിം​ഗ് പരാതി. അധ്യാപകരുടെയും വിദ്യാർത്ഥിനികളുടെയും ചിത്രങ്ങൾ മോർഫ് ചെയ്ത് അശ്ലീല സൈറ്റുകളിൽ പ്രചരിപ്പിച്ചെന്നാണ് പരാതി. അഞ്ചാം സെമസ്റ്റർ വിദ്യാർത്ഥി അച്യുതിനെതിരെയാണ് പരാതി ഉയർന്നിരിക്കുന്നത്. അച്യുതിനെതിരെ സഹപാഠികൾ തന്നെയാണ് പ്രിൻസിപ്പലിന് പരാതി നൽകിയത്. പ്രിൻസിപ്പൽ സാങ്കേതിക വിദ്യാഭ്യാസ ഡയറക്ടർക്ക് നൽകിയ റിപ്പോർട്ടിൽ പറയുന്നത്, ആരോപണവിധേയനായ വിദ്യാർത്ഥി ഈ കാര്യങ്ങൾ സമ്മതിച്ചു എന്നാണ്. വിദ്യാർത്ഥിയെ അന്വേഷണ വിധേയമായി സസ്പെൻഡ് ചെയ്തിരിക്കുകയാണ്. പൊലീസിലും പരാതി നൽകിയിട്ടുണ്ട്. അതുപോലെ തന്നെ ഒരു വിദ്യാർത്ഥിനിയും പുനലൂർ പൊലീസിൽ പരാതി നൽകിയിട്ടുണ്ട്. ടെല​ഗ്രാം ​ഗ്രൂപ്പുകൾ വഴി ചിത്രങ്ങൾ പ്രചരിപ്പിച്ചുവെന്നാണ് വിദ്യാർത്ഥിനി പറയുന്നത്. സംഭവത്തിൽ പുനലൂർ പൊലീസ് അന്വേഷണം തുടരുകയാണ്.