പീഡിപ്പിക്കും മുന്പ് കാല് തല്ലിയൊടിക്കും, പിന്നെ തലയ്ക്കടിച്ച് കൊല്ലും; സൈക്കോ കില്ലര് പിടിയില്
Synopsis
മൂന്ന് വയസ് മാത്രം പ്രായമുളള പിഞ്ചുകുഞ്ഞിനെ ലൈംഗികമായി പീഡിപ്പിച്ചുകൊന്ന സൈക്കോ സീരിയല് കില്ലറെ ഗുരുഗ്രാം പൊലീസ് പിടികൂടി. ദില്ലിയിലെ ഗുരുഗ്രാമിലെ ഇരുപതുകാരനായ സുനില് എന്നയാളാണ് അറസ്റ്റിലായത്
ദില്ലി: മൂന്ന് വയസ് മാത്രം പ്രായമുളള പിഞ്ചുകുഞ്ഞിനെ ലൈംഗികമായി പീഡിപ്പിച്ചുകൊന്ന സൈക്കോ സീരിയല് കില്ലറെ ഗുരുഗ്രാം പൊലീസ് പിടികൂടി. ദില്ലിയിലെ ഗുരുഗ്രാമിലെ ഇരുപതുകാരനായ സുനില് എന്നയാളാണ് അറസ്റ്റിലായത്.
നവംബര് 13നാണ് ഗുരുഗ്രാമില് മൂന്ന് വയസുളള കുഞ്ഞിനെ ഇയാള് അതിക്രൂരമായി ലൈംഗികമായി പീഡിപ്പിച്ച് കൊന്നത്. രണ്ട് വര്ഷത്തിനിടെ എട്ടിലേറെ പെണ്കുട്ടികളെ താന് പീഡിപ്പിച്ചതായും ചിലരെ കൊലപ്പെടുത്തിയതായും സുനില് പൊലീസിനോട് പറഞ്ഞു. തെരുവുകളില് അലഞ്ഞു തിരിയുന്ന കൊച്ചു പെണ്കുട്ടികളാണ് സുനിലിന്റെ ഇര.
ലൈംഗിക പീഡിപ്പിക്കുന്നതിന് മുന്പ് പെണ്കുട്ടികളുടെ കാല് ഇഷ്ടിക കൊണ്ട് തല്ലിയൊടിക്കും. ലൈംഗികമായി ഉപയോഗിക്കുമ്പോള് മികച്ച രീതിയില് ഉത്തേജനം ലഭിക്കാന് വേണ്ടിയാണ് ഇങ്ങനെ ചെയ്യുന്നതെന്നും സുനില് പൊലീസിന് മൊഴി നല്കി. ലൈംഗിക പീഡനത്തിന് ശേഷം ഇഷ്ടിക കൊണ്ടുതന്നെ തലയ്ക്കടിച്ച് കൊന്നുകളയുന്നതാണ് ഇയാളുടെ രീതി.
നവംബര് 13നാണ് ഗുരുഗ്രാമില് മൂന്ന് വയസുളള കുഞ്ഞിന്റെ മൃതദേഹം ആളൊഴിഞ്ഞ സ്ഥലത്ത് നിന്നും പൊലീസ് കണ്ടെത്തിയത്. അതിക്രൂരമായ നിലയില് ലൈംഗികമായി ഉപയോഗിച്ച നിലയിലായിരുന്നു കുഞ്ഞിന്റെ ശരീരം കണ്ടെത്തിയത്. പെണ്കുട്ടിയുടെ കാല് ഇഷ്ടിക കൊണ്ട് തല്ലിയോടിച്ചിരുന്നു. കുട്ടിയുടെ സ്വകാര്യഭാഗങ്ങളില് മരക്കഷ്ണം കയറ്റിയ നിലയിലായിരുന്നു കണ്ടെത്തിയത്. കുട്ടികളെ അതിക്രൂരമായി ലൈംഗികമായി പീഡിപ്പിച്ചു കൊല്ലുന്ന ഈ സൈക്കോ കില്ലറുടെ ചരിത്രം പേടിപ്പെടുത്തുന്നതാണെന്ന് പൊലീസ് പറയുന്നു.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam